Интернетпен танысқыштарға 15 кеңес


Қазіргі уақытта интернеттің қол жетімділігі оңайлаған сайын өз жартыларын әлемдік торда іздеушілер де күрт өсті. Ізденіс кезінде қателіктерге ұрынбау үшін мынадай бір кеңестерді ұстанған жөн дейді мамандар.

Анкета.
• Бір сурет бірнеше сөздің орнына көп нәрсе айтады. Анкетаға ескі суреттеріңді қоймауға тырыс, сонымен қатар құжаттарға түскендей сұсты суреттерді де қойма. Жайдары күліп түскен суретің ұтымды болып табылады.
• Анкетаң мен таңдаған лақап атың бір-біріне сәйкес болуы керек. Кіммен танысқың келеді, осыны біраз саралап алған жөн. Соған байланысты анкетаны да толтыру керек.
• Анкетаны толтырғанда шынайы бол. Өзіңді асыра мақтаудан сақ бол (мысалы, сырт пішінім керемет, IQ одан да керемет деген сияқты)
• Жаңашылдық таныт. «Мен кітап оқығанды және музыка тыңдағанды жақсы көремін» деген сияқты қатып қалған стереотиптерден бас тартуға тырыс. Қосымша жазатын, шеңберден тыс әрекеттер жасайтын адамдар әркез қызық.
• Ең алдымен суретті құрбыңа көрсет. Егер ол, сен өмірде де осындайсын десе, суретті анкетаға салып, жарияла. Енді хаттар күт!

Хат алмасу.
• Әңгімелесу барысында жағымды тақырыптарды қозғауға тырыс, өзіңнің басыңнан өткен қызықты жәйттерді де қосып отыр. Ешуақытта өзіңнің келеңсіз оқиғаларыңды немесе жолың болмай жүрген айтып, шағымданба. Сонымен қатар өзіңнің туылғаннан бастап, осы уақытқа дейінгі өміріңді баяндап отырма.
• Оның тұлғасына қызығушылық таныт. Суретін көргендегі ойыңа қандай сұрақтар келді, соларды сұра. Мысалы, «Мынау өздеріңнің иттерің бе?» деген сияқты.
• Ортақ заттар тап. Ортақ қызығушылықтар, пікір, құмарлық, сәйкесінше ортақ сүйкімсіз заттарды талқылаудан жақындастыратын ештеме жоқ.
• Абай бол! Ешуақытта танымайтын адамға аты-жөніңді, телефоныңды, мекен-жайыңды айтпа. E-mail жібергенде де осы анықтамаларды жасыруға тырыс.
• Уақытты ілгерілетпе. Кездесу үшін біраз уақыт бір-бірлеріңді тану керек. Егер ол көп тығылатын болса, және сенің сұрақтарыңа жауаптан қашса, интернетте тек түнде ғана отыратын болса, әсіресе сақ болған жөн.

Алғашқы кездесу.
• Қауіпсіздік үшін бейтарап аймақта кездесуге келіс. Қоғамдық жер болғаны дұрыс, мысалы кофейня.
• Қарапайым, табиғи қалпыңнан тайма. Ашық киім, не ашық макияж сен жайлы теріс көзқарас қалыптастыру мүмкін.
• Бірінші кездесуге кешкі ас емес, тек бір шыны кофе ішуге келісіңдер. Бұл сені ештемеге міндеттемейді, және де кездескен адамың ұнамай қалса да онымен қоштасу оңайға соғады.
• Құрбыңа қайда және кіммен баратыныңды айтып қой. Кездесу барысында сенің халіңді біліп, сұрап қойсын.
• Сөйлесуде ашық бол. Оның сені жақын білуіне мүмкіндік бер. Ал егер басынан ештеме шықпайтынына көзің жетсе әңгімені созбай, ары қарай қатынасты үзген дұрыс.

Categories: Отбасы

Comments

  1. Myrza
    Myrza 6 Апрель, 2011, 16:07

    Бірінші кездесуге кешкі ас емес, тек бір шыны кофе ішуге келісіңдер. Бұл сені ештемеге міндеттемейді, және де кездескен адамың ұнамай қалса да онымен қоштасу оңайға соғады.
    Sonda kyzga tamak alyp bersen ol mindet bolyp kalama?? Base nege kyzdar tamak ishpeidi desem))

    Reply this comment
    • Gastarbaiter
      Gastarbaiter 6 Апрель, 2011, 23:13

      Жоқ бұл мақаланы қазақ менталитетіне сәйкестендірмей, сол күйі аудара салған ғой әміркендерден.
      Оларда әйелдерге тамақ алып берсең, кәдімгідей ренжиді, «мен өз тамағыма өзім төлей аламын, мені кім көріп тұрсың деп». Оларда әйелдер мен еркектер жауапкершілік пен құқықтары тең. Көбіне стол құнын бөлісіп төлейді, ешкім ренжімеуі үшін.
      Сосын олардың әйелдеріне киноға билет алатын болсаң да, сен үшін төлеуге рұқсат па? — деп сұрайды. Әйтпесе, әйел өзін ыңғайсыз сезінеді.

      Ал бізде түсінік өзгеше. Әйелдерге қанша ақша төлесең де, қайда апарсаң да, еркек төлейді, төлемесе ол ит-шошқа, бомж, тағы да талай қарғыс, ол кезде батыстың түсінігі ұмыт болады…Бірақ құқықтары тапталғанда батыстың түсініктері қайта есіне түседі.

      Reply this comment
  2. Irina
    Irina 11 Январь, 2014, 18:58

    МЕНІҢ ЕСІМІМ ИРИНА.менің сіздерден бр пікір сұрағым келеді.Мен бір жігітті қатты сүйем.мен оны өзгелерден қатты қызғанам.брақ ол жігіт менң немере апамның бұрыңғы жігіті,ал бұрынғы жгітмнің жан досы.мен одан бас тартқым келмеиді.не істей алам.айтыңыздаршы

    Reply this comment

Write a Comment

Your e-mail address will not be published.
Required fields are marked*