КИІМДІ ДҰРЫС ҮТІКТЕЙ БІЛЕСІЗ БЕ?

КИІМДІ ДҰРЫС ҮТІКТЕЙ БІЛЕСІЗ БЕ?

Қолына үтік тисе, қиналып қалатын құрбыларымыз аз емес. Киімді бүлдіріп алмастан, дұрыс үтіктеу үшін алдымен үтік таза болуы тиіс.

• Үтік бетінде сары дақтар жиі пайда болады, ол – бүркіген судан не будан қалатын із. Сары дақты үтікті салқын күйінде сірке суымен (уксус) сүрту арқылы кетіруге болады. Сірке суының орнына ас содасының ерітіндісін де қолдана аласыз.

• Қолданылып болған үтік толық сууы қажет. Суыған соң ғана сымын орап, жинастыруыңызға болады.

• Киімді үтіктегенде ең аз температурадан бастағаныңыз дұрыс. Бірінші синтетикалық бұйымдарды үтіктеңіз. Жаймен температураны арттырып отырып, соңында қатты матаны, сырт киімдерді үтіктеңіз.

• Үтіктеу үдерісіндегі (процесс) үтіктің бағыты оңнан солға қарай болуы тиіс.

• Киіміңіздің алдымен жең, жаға, қалтасындағы қыртыстарды жазып алып барып, кеудесіне, етегіне ауысыңыз.

• Егер үтіктегенде мата жылтырай бастаса, су сеуіп немесе дәкені (марля) сулап, киімнің үстіне қойып, үтіктеңіз.

• Жібек матаны іш жағынан, су тигізбей үтіктеңіз. Су тиген жібек матада дақ қалып қоюы мүмкін.

• Тоқылған бас киімдерді үтіктеудің қажеті жоқ. 2-3 литрлік банкаға кигізіп, кептірсеңіз, жеткілікті.

• Шалбарға қыр салғанда үстіне сірке суы қосылған суға батырылған матаны қойып үтіктесеңіз, шалбардың қыры ұзақ сақталады.

• Көйлек, жейде, белдемшені (юбка) бірінші теріс жағынан, одан кейін оң жағынан тағы үтіктеңіз.

Categories: Отбасы

Comments

  1. Арайлым
    Арайлым 6 Ақпан, 2012, 17:46

    Киім үтіктеуді ұнатпайтындардың қатарынанмын

    Reply this comment
  2. Акбота
    Акбота 23 Шілде, 2014, 00:36

    Киiмрерді үтіктеп білемін,үйренудің кажеті жоқ маған.

    Reply this comment

Write a Comment

Your e-mail address will not be published.
Required fields are marked*