ӘДЕМІ ТОРДЫҢ ТАРИХЫ

Гардеробымыздағы мойын орамал, көйлек, жейде, сөмкеміздегі түстері үйлескен торды мақтанышпен киіп жүрміз. Тіпті сәннен әлі хабарсыз болса да, кішкентай сіңлілеріміз «О, мынау Burberry ғой!» деп, жал ете қалады. Ерлер киімінің жағасында, жеңінде, қалтасында «таныс» тордың элементтерін көріп қалсақ, ол жігіттің талғамын жоғары бағалай бастаймыз. Сатушылар да осы тордың қазіргі таңда мол сұраныста екенін ұтымды пайдалануда.
Ал сіз осы Burberry торының қалай кең таралып кеткенін білесіз бе?
Жалпы Burberry брендінің тарихы 1856 жылдан басталған. 21 жасар Томас Барберри атты жігіт өз қаласында дайын киімдер сататын шағын дүкен ашады. Бірнеше уақыттан соң дүкеннің ауқымын кеңейтіп, үлкен киім сату орталығын иемденеді. Өз тәжірбиесінде Томас су өткізбейтін мата – габарин тоқу технологиясын игеріп, одан сырт киімдер тіге бастайды. Сырт киімнің астарын төрт түс үйлескен торлы матадан тігеді. Ол түстер: қызыл, қара, сарғыш және ақ.
Астар болған торлы мата Англия халқына жылы әрі жұмсақ үй пледін еске түсіргендіктен, сұраныс арта түседі. Burberryдің классикалық торы сауда маркасы болып тіркеледі де, халыққа мойын орамал, қолшатыр, қол сөмкесі сынды аксессуарлар ұсына бастады. Өз тауарларының қорын молайту мақсатында Томас 1990 жылдары басқа ірі компанияның дизайнері италяндық Роберто Манчеттиді жанына жұмысқа алады. Манчетти Burberry торына жаңа өмір әкелді. Ол халыққа ерекше үлгідегі киімдер ұсына бастады, бұл әсіресе жас тұтынушылардың назарын аударды.
Burberry торының беделі сән әлемінде шарықтай берді. Он жыл ішінде ең үздік классикалық дизайн, ең үздік заманауи дизайн деген марапаттауларға ие болып үлгерді.
2006 жылы Burberry фирмасы өзінің 150 жылдық мерейтойын атап өтті.
Сіз бен біз ұнататын жылы түске ие Burberry торының тарихы осындай.

Categories: Сән, стиль

Comments

  1. Mika Kassymovna
    Mika Kassymovna 4 Ақпан, 2012, 23:46

    ooo, zhaksy akparat, endi ozimizdin kiip zhurgen kiimderimiz turaly bilip otyratyn boldyk koi))

    Reply this comment

Write a Comment

Your e-mail address will not be published.
Required fields are marked*