Мәңгілік сәнге айналған қара көйлек


Мәңгілік сәнге айналған қара көйлек

 Егер қара көйлегіңіз коктейльді, қысқа, кешкі сәнге арналған болса, оның ешқашан сәннен қалмайтынын ұмытпағайсыз!

«Қысқа қара көйлек» осы күнге дейін сәнді, сексуалды, нәзік әрі әдемі болумен қатар, ол барлық уақытта ыңғайлы, стильді, бастысы сәнді болып келген.

Көйлек ұзындығы тізеге дейін келетін, иығы ашық, әйел бітіміне шақ болуы тиіс. Мұндай көйлек кез келген ханымның мүсінін мінсіз көрсетеді. Әрі көйлекті биік өкшелі аяқ киіммен де, бойшаң әйел жайлы табанмен де кие алады.

Егер қысқа қара көйлекті таңдау мүмкіндігі туып жатса, ең алдымен дене бітіміңізге сай келетінін таңдаңыз. Соңғы трендте болуы маңызды емес. Себебі трендтің дәурені өтіп кетсе, көйлек киілмей қалады. Көйлек неғұрлым қарапайым болса, соғұрлым әдемірек көрінеді. Егер оны кеңсеге киетін болсаңыз, қарапайым пиджакпен, аласа өкшелі аяқ киіммен кигеніңіз жарасымды. Ал театрға немесе кешкі асқа баратын болсаңыз, әдемі ақ түсті шәлі немесе орамалмен үйлестірген дұрыс. Кешкі салтанатты жиынға бару бақыты бұйырса, қара көйлекті әдемі аксессуар, мысалы маржан тасы бар түйреуіш немесе алқа таққаныңыз ұтымдырақ көрінеді. Аксессуарды тым көп, қатарластыра тағу ажарды қашырады… Сондықтан, бір ғана көзге көрінетін аксессуар тағынсаңыз жеткілікті. Салтанатты жиынға міндетті түрде биік өкшелі аяқ киім кию керек.

Тек әйелдің бойына біткен қыпша белді ерекшелеу үшін белдік қадауыңызға болады. Белдік тым жуан емес, белді барынша қысып тұрғаны дұрыс.

Қара түс денені кішірейтіп көрсетеді. Әрі көйлекті киетін бикеш бет-әлпетіне барынша назар аударуы керек. Себебі қара түсті көйлек әппақ, тегіс терілі денеде әдемі көрінеді. Шашты жайып немесе жоғарыға түю де образға жарасымдылық бере алады.

Бастысы, бұл көйлекті киген соң, иықты тік ұстап, жүрісіңізді мәнерлі етсеңіз, нәзік жанды арудың әдемі бейнесін ашқан боласыз.

Ал сіздің гардеробыңызда қысқа қара көйлек бар ма?! Ендеше, сатып алуға тырысыңыз!

Сурет: fammeo.ru

 

Comments

  1. Айнара
    Айнара 22 Февраль, 2012, 16:19

    Менде қара көйлек бар. Шынымен кез келген жерге ұялмай киіп баруға болады…

    Reply this comment
  2. Қыпшақ қызы
    Қыпшақ қызы 22 Февраль, 2012, 17:35

    Негізі қара түсті киімдерді киіп жүрген жоқпын. Осыдан үш жыл бұрын тастамай киетінмін қара түсті киімдерді. Қазір талғам өзгерген-ау шамасы. Қара түс дегенмен классикалық түс қой мәңгі. Ойланып қалдым. Бір қара көйлек алып қою керек болып тұр енді.

    Reply this comment
  3. Zhazira
    Zhazira 17 Август, 2012, 20:39

    magan unaidy kara koilek!!!!!!!!

    Reply this comment
  4. Aikerim_Sabirjan
    Aikerim_Sabirjan 19 Декабрь, 2012, 18:50

    Kara koilek jaksi goi,barlik kizdar kyietinide belgili.Birak toptan erekwelenemin deuwilerge kara koilekti usinbaidi.Awik tusti koilekterdi jaksi korem jane kyiemiin.Kara koilektide kyiemin,birak kop tutinbauga tirisam.

    Reply this comment
  5. VENERA TOLEUSHOVA
    VENERA TOLEUSHOVA 2 Июль, 2013, 20:14

    magan kuzul koilekter undaidu.kuzdardyn kobisi kuzul koilek kiedugo.!!

    Reply this comment
  6. Айгерим
    Айгерим 23 Январь, 2014, 17:48

    Кара койлек жеетет но уилеспейди маган

    Reply this comment

Write a Comment

Your e-mail address will not be published.
Required fields are marked*