ОҚЫРМАН ҚЫЗ

ОҚЫРМАН ҚЫЗ

Оқырман қыз,
Өмірде алыс, 
Өлеңде жақын жанбыз.
Түнге сіңіп, тағы да
Ай жүзінен
Мұң көшіріп ақының отыр жалғыз.

Сен ше, қарғам?
Мұңаймашы, 
Түспесін еңселі арман.
Ықыласын бір саған аударар ем,
Ыңғайыма осы бір көнсе жалған.

Амал нешік?..
Сансыз арман сарылып, санамда өшіп
Дәруіштей дәрменсіз күй кешемін,
Көңілімнің көгінде ғалам көшіп.

Аңғалым-ай!
Жағымды бір болар ма ең жанға бұлай.
Қалам ұстап қолыма сәл мұңайсам,
Саған ұқсап кетеді жап-жарық Ай!

Мөп-мөлдір шық,
Жанарыңнан жас болып кеткенде ыршып,
Жұбанышың болар жыр жазсам, шіркін,
Жүрегіңнен жарғандай КӨКТЕМ бүршік.

Оқырман қыз…
Өмірде алыс, 
Өлеңде жақын жанбыз.
Түнге сіңіп тағы да
Ай жүзінен,
Мұң көшіріп ақының отыр жалғыз…

Оқырман қыз…

Өлеңді жазған: Қалқаман Сарин

5 thoughts on “ОҚЫРМАН ҚЫЗ”

  1. Қалқаман аға сіздің өлеңдерініз оқып бір сәт өз тағдырыма ұқсас сәттері бар екенін байқаймын…. сондықтан да сіздің өнеріңізді бағалаймын шығармашылығыңыз шындала беруіне шын ниетіммен тілектеспін!!!!! сіз менін жерлесім болады екенсіз менде ШҚО Аякөз ауданы шубартау қниринен боламын.Шығыстан тек текті ақын азамат ағаларымыз шығады ғой сіз сақылды

    Жауап беру

Айгерiм Исаева үшін пікір үстеу Жауапты болдырмау