Қателік

 Қателік  (қазіргі қоғамдағы аборт мәселесі)

(қазіргі қоғамдағы аборт мәселесі)

Анам мені алдыруды ойлаған,

Әкемде де мейірім жоқ әкелік.

Дүниеге әлі келе қоймаған

Сәби едім…

Менің атым  – қателік.

 

Әлди айтар әлемге бұл шыға алмай,

Бұлқынумен тар құрсақта тұншықтым.

Мен жылауды білмесем де, уанбай,

Тумай жатып,  қарғыс алған қырсықпын.

 

Әкем үшін әлі ертемін, дерт едім,

Алдымда ажал, жан-жағымда бекініс.

Ал шешемнің шерлі өзегін өртедім,

Шикі өкпемін… 

Менің атым – өкініш.

 

Жарып шығып жан анамның жатырын,

Жарық жалған, сені көрсем бір шығып.

Жанталасқан бір жетімге жасырын,

Төріңді бер, ей, тәкаппар тіршілік!

 

Әлсіз әке, ақылсыздау анама,

Тілім де жоқ айтар сыртқа теппе деп.

Сөніп барад бір шарасыз шарана

Өгейсіткен өміріне өкпелеп.

 

Келмей жатып, кең дүниеге сыймаған,

Бір ананың құрсағына сыйса да.

Мен – бәріне мұң мен қайғы сыйлаған,

Жақындары жатырқаған бейшара.

 

Бауыр еті бөлшектеген, безінген,

«Екеуіне» ел өсегі жоғары.

Селкілдеген бір-ақ сәттік сезімдер –

Бір бейкүнә жетімектің обалы.

 

Естімеген тірі пенде, бір адам

Іңгаламай іштен тынған шерлімін.

Мен анамның көз жасы боп құлағам,

Ал әкемнің күрсінісі — мендік үн.

 

Есік көрмей, анам ашқан етегін,

Маңдайымның соры болды сол менің.

Мешіт көрмей, менменсіген әкенің,

Баласы боп, мен де бесік көрмедім.

 

Уын таттым өзім білмес ғаламның,

Маған жабық бұл әлемге бөтенмін.

Мендік өмір – ащы өксігі анамның,

Ал, қабірім  – қателігі әкемнің.

Қателік  (қазіргі қоғамдағы аборт мәселесі)

 

Өлеңді жазған: Ботагөз Мұхиденқызы

Суреттер: Интернеттен алынды.

Сәнденудегі 10 қателік

1. Мойын мен кеуде тұсын және әдемі аяқтарыңызды бірдей ашық көрсеткен жарасымсыз. Ашық декольте мен мини бірге киілген кезде, бұдан асқан бейпілділік жоқ. Мұндай киім-киіспен сізді ең кем дегенде талғамсыздықпен айыптар немесе одан бетер – жеңіл жүрісті қыз деп ойлауы мүмкін.

2. Джинсының ішінен көрініп тұратын стринги біраз уақыт бұрын көшелерде сұрықсыз кейіппен көздің жауын алатын. Қазіргі кезде мұндай киім-киіс ұмытылған сияқты, қуанышымызға орай. Сонымен қатар джинсы немесе юбканың ішінен көрініп тұратын колготкилерге де жол жоқ. Егер күн суық болып, амал жоқ болса, онда бөкседен келетін колготки сатып алуға тырысыңыз.

3. Босоножкиді нәскимен (колготкимен, чулкимен) ешқашан кимеңіз. Жалпы колготкидің тігістері көрініп тұрса, бұл көріксіз көрінеді ғой, сондықтан капрон колготкиді басы ашық туфлилермен де кимегеніңіз абзал.

4. Фирманың үлкен логотипімен топтар. Бірнеше жыл бұрын үлкен брендтер осындай аурумен ауырған. Бертін келе біраз қарапайымдау жолға көшті. Қазіргі уақытта арзан ақшаға таза «D&G» топтарын алуға болады. Сондықтан, үлкен жазулармен топтарды киген кезде біраз өзіңіздің жасанды көшірмелермен қызығушылығыңызды көрсетіп қоясыз.

5. Клетка мен жолақтар бұл өте ашық және әркез сәнді, бірақ әрқайсы өзінше. Клеткамен жолақ бірге киілген кезде өте сұрықсыз көрінеді және ең әдемі фигураның өзін құртып тұрады. Сонымен қатар бұл «айуанға тән» маталарға да байланысты. Мысалы, көйлегіңіз леопард бояуларымен боялған матада болса, оны сондай типтегі туфлимен кимеңіз. Киіміңізде бір ғана «аяуанға тән» элемент жетеді.

6. Киімде «қатты ұнап тұр» деген сөз қолдануға болмайды. Шынайы болайық, мысалы леггинсыны алсақ, ол бәрімізге жараса кетпейді (арық аяқтарды одан сайын арытып көрсетеді, ал толық аяқтарда өте сұрықсыз көрінеді). Сондықтан өзіңізді алдамаңыз: егер киім жараспай тұрса, шешіп басқасын таңдаңыз.

7. Шорты+кроссовки. Шолақ шалбар немесе шортыны әркез өкшелі немесе өкшесіз туфлимен (босонжкамен) ғана киеді. Егер тек спортпен шұғылданамын демесеңіз. Кроссовкамен киілген шорты аяқтарыңызды әдемі етіп көрсетпейді. Сондықтан мынадай ережені ұстанамыз: аяғымызды ашқымыз келсе нәзік аяқ-киімдерді таңдаймыз.

8. Ұзын шубаны өкшесіз етікпен киюге тиым салынады. Ұзын былғары теріден жасалған киім ауыр және көзге тез түседі. Және сіздің біраз салиқалы мәртебеңізді білдіреді, сондықтан сол мәртебені өкшесіз етік киіп, төмен түсірудің қажеті жоқ.

9. Балағы кеңейтілген каприді етікпен кимеңіз. Бастапқыдан капри аяқтың төменгі жағын көрсету үшін ойлап табылған. Балағы кеңейіп тұрғандықтан толықтау аяқтар да әдемі көрінеді, сондықтан оны етіктің астына тығып қажеті не?

10. Жалтырағы көп киім мен гламурда ең бастысы шектен шықпау. Сондықтан жылтырақ суреті бар топ киген кезде джинсы немесе аяқ-киіміңізде жылтырақтың аз болуын қамтамасыз етіңіз. Сонымен қатар бұл кезде, жылтырақ браслет, сырға, очкилерден де бас тарта тұрған жөн.