Сүйіктімді сыйлығынан танимын

Сүйіктімді сыйлығынан танимын
Егер оның сыйлығы…
Нәзік жанды аруына сыйлық әперген жігіт, сыйлығы арқылы өзі туралы көп ақпараттың бергенін біле бермейді.
Алған сыйлығына қарап, ханым ер азаматтың өзіне деген құрметінің қаншалықты екенін біле алады. Айтпақшы, егер сыйлық беруші қыздың қиялындағы керектісін сыйласа, олардың талғамдары мен өмірге көзқарастарының ұқсас екенін білдіреді. Ал егер ол сізге төмендегі сыйлықтардың бірін берсе:
Сүйіктімді сыйлығынан танимынКәмпит немесе торт. Мерекеге осы тәттілерді тарту еткен болса, азаматтың арнайы дайындықсыз әзірлеген сыйлығы деп қабыл алуыңызға тура келеді. Әдетте, мұндай сыйлықтарды ер азаматтар аруын құттықтауға келуден бірнеше минуттар бұрын сатып алады. Мерекеде емес, қарапайым күні сіздің ең сүйікті кәмпиттеріңізді сыйлап отырса, ерекше ықыласпен қабыл алуға болады.

Шұлық (колготки), жуынуға арналған иіссабын. Сізге көңіл білдіріп жүрген жігіттің талғамының тым төмен екенін көрсетеді. Дене күтіміне арналған қажеттіліктерді сыйлықсыз-ақ әйел өздігінен алып отырады. Бұл сыйды сыйлыққа немқұрайлы қарайтын ер адам алады. Себебі, дүкеннен көзіне бірінші көрінген затты сатып ала салған…
Алжапқыш немесе ас үй гаджеті. Қызға тұрмыс қажеттілігін сыйлаған азамат әйелді тек үй шаруасында ғана көретінінен хабардар етеді. Себебі, әйелдердің төл мерекесінде әуреге салатын тұрмыс затын талғамы жоғары еркек сыйламайды. Осы тектес сыйлыққа құмар азаматпен тағдырыңызды байланыстырғыңыз келсе, болашақта ас үйде көп жүретініңізді ұмытпаңыз.
Іш киімді сыйлайтын еркек сұлуына да, өзіне де өте ұқыпты екенін көрсетеді. Айтпақшы, егер енді ғана таныс болған жігіт сізге осы сыйлықты берсе, сізбен бірге болғысы келетінен хабардар ететін ишара деп түсініңіз. Сүйіктісіне ішкиім сыйлаған жігіттің аруына деген сезімі берік екенін көрсетеді.
Ақшаны еріншек еркектер сыйлайды. Кей жағдайда тым пысық жігіттер аруының көңілінен шықпай қалудан қорқып, ақшалай сияпат жасайды. Көбінесе ақшаны қарым қатынастары берік орнаған жұп жігіттері сыйлайды.
Жұмысына қажетті сыйлық. Бұл жігіттің сұлуына және оның қызметіне деген ерекше құрметін көрсетеді.

Бірақ, сыйға органайзер немесе қаламсап алсаңыз, жігіттің қолы тар деп ұғыңыз.
Тұрмыстық техниканы сыйлайтын азаматтың сүйіктісіне деген ықыласының ерекше екенін білдіреді. Шаңсорғыш немесе микртолқынды пешті сыйға тартқан жігіт жақын арада шаңырақ көтеруге ұсыныс жасауы мүмкін. Сондықтан мұндай сыйды қорықпай қабыл алыңыз.
Әтір — ханшайымдарға арналған дәстүрлі сый. Өзгеше сыйлық әзірлеуге уақыт таба алмаған жігіт әтірді сатып алады. Ал әтірге риза болмайтын нәзік жанды бар ма?
Сүйіктімді сыйлығынан танимынГүл. Әйелге арналған сыйлықтардың маңыздысы — гүл. Өйткені, гүлді ер адамдар әркез сыйлайды. Бірақ, гүлдің өзінен гөрі, қасына қосып берген сыйлықпен тартымдырақ болады. Алайда, жігіттің гүл таңдаудағы талғамына қарап та, біраз сипаттама беруге болады.
Егер қызыл түстен үлкен гүл шоғын алсаңыз, махаббат хикаяларыңыздың ұзақ әрі әдемі болатынын көрсетеді. Ақ гүлдерді сыйлауға құмар жігіттің сүйікті аруымен рухани үйлесімін көрсетеді. Сары гүлдерді сыйлаған ер адамның қызына салқындығын білдіреді. Шегіргүлді (фиалка) сыйласа, ер жігіттің өзіне сенімсіздеу, қорқақ екенін аңғара беріңіз. Бақытгүлді (хризантема) сыйға алсаңыз, оны берген жігіттің сараңдығынан хабардар боласыз.
Сүйіктімді сыйлығынан танимынӘшекей бұйымдар. Гауһар тасы бар жүзік пен сырғаны сыйлау — үлкен қамқорлық пен шексіз сүйіспеншіліктің нышаны. Егер сіз тек күміс әшекейлерін тағатын болып, ал сүйіктіңізден әр мерекеде тек алтын бұйымдарын алсаңыз, оның сізден өзге де назарында адамның бар екенін біліңіз. Бұл жерде сыйлықтың бағалылығын айту артық.
Күйтабақ. Ең сүйікті әндеріңізден құралған күйтабақты сыйласа, серігіңіздің сіздің қызығушылықтарыңызды сыйлағаны деп түсініңіз.
Әуе шарлары. Көңілді шарлардың 10-20 данасын қатар сыйлаған махаббатыңыздың сізге деген сезімінің нәзік, пәк екенін көрсетеді. Аз сыйлықпен сіздің көңіліңізді көтеруге құмартқанының белгісі. Шарларды баланың ойыншығы деп, менсінбегендік танытпаңыз. Одан да біртіндеп жарып көріңіз. Шарлардың бірінде қымбат сыйлық болса, таң қалмаңыз!
Сүйіктімді сыйлығынан танимынСоңынды айтарымыз: әр нәзік жан өзінің сезімталдығына қарай, жігіттің сыйлығы неден хабар беретінін біле алады. Себебі, талғамға талас жоқ, біреуіне бір қорап кәмпит бағалы сый болса, екіншілеріне алтын білезіктің өзі құнсыз сый болуы мүмкін.

 

8-НАУРЫЗ. МАКИЯЖ ЖАҒУДАҒЫ БІРНЕШЕ КЕҢЕСТЕР

8-НАУРЫЗ. МАКИЯЖ ЖАҒУДАҒЫ БІРНЕШЕ КЕҢЕСТЕР8-наурыз — барша нәзікжандылардың төл мерекесі ғана емес, көктем мерекесі болып саналады. Мерекеде жадырап, жарқырап жүру үшін бетіңізге бояу жағып, сұлулығыңызға рең бересіз. Макияж жағудағы біз ұсынар бірнеше кеңестерге назар аударыңыз.

Меркелік макияжда көзге ашық түсті бояуларды қолданыңыз. Өйткені, ашық түс жарықпен одан сайын жарқырап, әдемі көрінеді. Қоңыр және сарғыш (бежевый) түстерді пайдаланбағаныңыз дұрыс. Көзіңіздің айналасына опа жаққанда ашық түстісін жағыңыз.

Кешке дейін бетіңізге түрлі маскалардың бірін жағып, әбден дайындап алыңыз. Макияжыңыздың астынан сіңімді крем жағыңыз. Үгілмелі опа қолданыңыз, ол бетте ұзақ сақталады. Қабағыңызға бояу жағардың алдында мақтамане сүртіп алыңыз: құрғақ қабақта бояу ұзақ тұрады. Ерніңізге опа жаққан соң, тек астыңғы ерніңізге ғана жылтыр опа (блеск) жағыңыз, үстіңгі ерніңізге жағу аса қажет емес.

Егер шашыңызды жаятын болсаңыз, бетіңізге еңлікті (румяна) көбірек жағыңыз және қанық түсті далап қолданыңыз.

Ал шашыңызды артқа қарай жинайтын болсаңыз, бетке жаққан опаңыздан қанықтау түсті опамен иегіңізді, шығыңқы жақ сүйектерін, мұрныңыздың қырын айқындап бояңыз.

Бетіңізге не денеңізге жылтыр опа, жылтырақтар жағып жүрмеңіз. Ол біріншіден, тек өте жас қыздарға ғана жарасады,  екіншіден, әжімді айқын көрсетіп, бетіңіздің ой-шұңқыры көзге ұрып тұрады. Макияждың алдында тым майлы крем жақпаңыз, ол опаны өзіне сіңіріп алады және сіз билейтіндей жағдай болып жатса, тез терлеп, беттегі бояудың бүлінуіне алып келеді. Қызғылт сары (оранжевый) түсті еңлік (румяна) түрлі жарықтар түскенде көзге ұнамсыз реңк беретінін ұмытпаңыз. 

Сурет: bestforum.icebb.ru

МЕРЕКЕГЕ НЕ КИЕСІЗ?

Көктем… Мереке… Жігіттер тарапынан болатын мерекелік ілтипат… Құттықтаулар… Көтеріңкі көңіл-күй… Дос-жарандармен бас қосу… Айналаны гүлдендіретін көктеммен бірге әйелдер де құлпыра түседі. Әрбір шаңырақта қуаныш қонақтап, анасын, асыл жарын, аяулы қызын, сүйкімді қарындасын құттықтап жатқан ерлердің езуінде күлкі болады. Сол мейрамда ерекеше жарқырап жүргенге не жетсін?! Міне-міне келіп қалған біздің мейрамға не киесіз?

Қаталдық. Кеңсе стилін ұнатушыларға сүйікті киімдерін басқа стилдегі көйлекпен ауыстырмауға да болады. Жіңішке белдемшеңіз бен костюміңіздің ішінен кез келген түстегі жейде киіңіз. Ол тым көзге ұрып тұрады деген болсаңыз, ақ түсті жейдені ғана киіп, костюміңіздің сыртқы сәніне назар аударуыңызға да болады. Арнайы өрнектер салынған не фонарь-иық сияқты элементтермен тігілген костюміңіз сізді өте сәндіетіп көрсетпек. Тіптен сүйікті жейдеңіз бен сүйікті костюміңізді ауыстырғыңыз келмесе, жіңішке белдемшеңіздің орнына кең етекті, тізеге дейінгі ұзындықтағы белдемшені кисеңіз де болады. Арнайы аксессуарлар тағуды ұмытпаңыз. Үлкен сырға, таспен көмкерілген белдік, сәнді клатч әрбір сұлудың ажарына көрік қосары сөзсіз.

Батылдық. Бұл мерекеде аруларымыздың арасында кеңсе стиліндегі киімді шешіп, жарқырап киінгісі келетіні де бар. Жарқырау сөзі ауыспалы мағынасында да, тура мағынасынан да қолданылып тұр. Кешке достарыңызбен дастархан басында жиналатын жоспарыңыз болса, батылдықпен алтын түстес не күміс түстес көйлек киюді ұсынамыз. бір айта кететіні, жарқыраған, көз тартатын аксессуар тақпағаныңыз жөн, көйлегіңіздің жарқылымен қосылып, тым артық болып кетеді. Аяғыңызға теріңізбен түстес шұлық және қарапайым ғана туфли киіңіз.

Талғам. Мерекелік әрі танымал түс – ақ. Бұл түс сізді көптің ортасында ерекшелеп қана қоймай, ажарыңызды аша түседі. Кең балақты шалбар, әдемі бешпент (жакет), жібек нымша, кең белдемше, талғамыңыз бен таңдауыңызға қарай ақ түсті киіміңізбен көптің назарын өзіңізге аударарыңыз сөзсіз.

Романтика. Көктем – махаббаттың, құлпырудың, нәзіктіктің мезгілі. Сондықтан бұл мерекеде романтикалық стилде киінгеніңіз да керемет болады. Ол үшін үлбіреген тор көйлектер киюдің де қажеті жоқ, тек ашық түсті, өзіңізге жарасымды түсті көйлек, белдемше, жейде кисеңіз, жетіп жатыр. Мүсініңізді сұлу етіп көрсететін әдемі көйлек киіп, биік өкшелі аяқ киіміңіз бен қолсөмкеңізді ұстап, шашыңызды қарапайым ғана үлгіде түйіп алсаңыз не буып алсаңыз, кештің сұлуы сіз болмақ. Аксессуарды қолданбағаныңыз жақсырақ болады.

МЕРЕКЕГЕ НЕ КИЕСІЗ?

Сурет: video-art-studio.ru

8-наурыз: «Не сыйласам болады?»

Гүл
Гүлдерді қанша жерден қажет емес дүниелер қатарына жатқызғанмен, олай емес. Сыйлыққа гүл алу – әркез жағымды, әсіресе ол қабыл алынған жалғыз сыйлық болмаса. Айтпақшы, қазір гүл құмырасымен ұсынылатын сыйлықтар жақсы дамып келеді.

Парфюм және косметика
Екі кезде ғана сыйлыққа парфюм ұсынуға болады: егер сіз нақты қандай иіссу алу керек екенін білсеңіз, не әр нәзік жанның таңдауын таба алатындай талғамыңыз болса. Ал егер сіз екі жағдайда да өзіңізге сенімсіз болсаңыз ең оңай жолы косметика бутигіне сертификат ұсыну. Бұдан сіздің сыйлығыңыз қажетсіз дүние болып қалмайды және сіз де таңдау жасап әлек болмайсыз.

Read more8-наурыз: «Не сыйласам болады?»