Еркектер бұрышы

Еріңізді зерттей түсіңіз

Қызбен ең алғашқы кездесуде не істеуге болмайды?

by

Қазір интернетте фотосы ұнаған қызбен танысып, сөйлесіп, «əбден жақынырақ таныдым-ау» дегеннен кейін ғана кездесуді ойлайтын заман ғой. Солай онлайнда танысқан қызбен оффлайнда кездесуге барар болсаңыз, төмендегі пункттерді есте сақтауға тырысыңыз. Ең алғашқы кездесуден алған əсер ары қарай қатынастың жалғасу-жалғаспауына тікелей əсер етеді. Барынша жақсы көрінсеңіз – ары қарай бəрі жақсы боп кетуі мүмкін. Ал, ұнамсыз көрінсеңіз – қыздар көбіне екінші шанс бере бермейді.

1.Алғашқы кездесуге ешқашан жуынбай, дұрыс киінбей, олпы-солпы барушы болмаңыз. Керісінше, бар жақсыңызды киіп, иіссуді сеуіп барыңыз. Спорт киімдерін кимеуге тырысыңыз. Костюм-шалбармен, галстукпен келсеңіз, қыздың сізге деген қызығушылығы артады. Өйткені,қыздарға іскер, табысты көрінетін жігіттер ұнайды).

2. Кездесуге белгілеген уақытты қайта-қайта ауыстырып немесе қыздан «ұмытпадың ба, дайынсың ба» деп сұрай бермеңіз. Өзіңіз де кездесуге кешікпеңіз. Ерте келген болсаңыз, уақытты күтіңіз. «Пунктуальный» көрініңіз.

3. Кездесу кезінде ешқандай жеке шаруаларыңызға, жеке қоңырауларға жауап бермеңіз. Бəрін алдын ала тындырып келу керек. Қыз күтіп қалмасын. «5 ммнут күте тұршы» деп, бір жерде сағаттап отырып қалмаңыз.

4. Өзіңіз туралы көп айта бермеңіз. Қыз өзіне қызық болған нəрсені сұрап алады. Одан да қыз көп нəрсе сұрап, сол туралы көп айтыңыз, бар назар аруда болу керек. Қыздар «вниманиені» жақсы көреді жəне соған алданып қалады).

5. Достар, кластас, группалас, көрші, туыс сияқты тар шеңберде айтылатын жаргон, приколдарыңызды алғашқы кездесуде айтпай қоя тұрыңыз. Қыз түсінбей қалса, «қуа ма» деуі мүмкін).

6. Кездесуді бірден паркте не пабта, барда белгілеңіз. Далада құр сенделіп не машинаңызда отырып қайтатын кездесу көп қызға ұнамайды. Сізді «жмот» деп кетуі мүмкін). Алғашқы кездесуде киноға бармаған абзал – əңгімелесесіздер ме, кино көресіздер ме?)

7. 1 тал болса да, гүл алып келсеңіз, қыз ерекше мəз болады. Немесе кішкентай шоколад ала келіңіз. Бастысы – назар.
Шынымен ұнатып, көңіліңіз ауған қыз болса, осы жазылғандарды орындап көріңізші – нəтижесін байқарсыз.

Жігіттердің қызбен танысқанда алғаш назар аударатын 10 пункті

by

Көшеде кетіп бара жатып, такси ішінде, қоғамдық көліктер ішінде, мерекелік жиындарда, ресторанда жігіт пен қыз кездейсоқ танысып жатады. Алғаш таныстықта жігіттің бар назарын өзіңізге аударғыңыз келе ме? Ендеше біз жүргізген сауалнама қорытындысына назар аударыңыз.

Сонымен жігіттер қызбен танысқанда алғаш назар аударатын 10 пункт:

1. Сыртқы келбет

Әрине жігіттер бірінші қыздың сыртқы келбетіне назар аударады. Оның ішінде:

  • Түрі (Бұл жағдайда бетіңіздегі тонна-тонна бояу сізге көмегін тигізе алмайды. Өйткені, жігіттер қыздың бетінен асқан сұлулықты іздемейді. Оларға қыздың сүйкімді, тартымды болғаны маңызды, оның ішінде көз бен жымиыстың рөлі басым)
  • Дене пропорциясы (Ия, бойыңыз ұзын немесе 90-60-90 болудың қажеті жоқ. Дененің бен бойыңыз бір-біріне сай болса, жетіп жатыр)
  • Шашы (Жігіттердің басым бөлігіне шашы ұзын қыздар ұнайды. Жәй ұзын болып қана қоймай, жібектей жалтырап, сіздің ажарыңызды аша түсуі керек. Ал, кей жігіттер бұйра шашты қыздарға ынтық.)

2. Тіл табыса алуы

Түріңіз бен мүсініңіз сұлу болмасын, шашыңыз да тақыр болсын, жігітпен тез тіл табысып, араласып кете алсаңыз, үнсіз тұрған сылқымдардан оза аласыз). Ол үшін:

  • Әзіл. Әзілді орынды жерде айта да білу керек және қабылдай да білу керек. Оны жігіттер жоғары бағалайды.
  • Қарапайымдылық. Өзіңізді жігіт алдында ақылды сөздермен көрсетіп, ұпай жинаймын деп ойлаудың қажеті жоқ. Ол кері әсерін береді.
  • Мөлшер. Тым көп сөйлеп кеткен қыздан жігіт тұра қашады. Сонымен қатар үнемі үнсіз қалуға да болмайды.
  • Көпшіліктің алдында өзін сенімді ұстай білу. Бұл көпшілік ішінде орын алған таныстыққа қатысты. Айналадағы адамдардан қысылып, сасқалақтап, өз ойын жеткізе алмай, дал болатын қызға жігіт мысқылмен қарап кетуі мүмкін. Бойыңызды тік, сөзіңізді нық етіңіз.
  • Сөз мәнері. Паразит сөздерді көп қолданатын қыздардың сөзі мағынасын жоғалтытын сияқты. Сондықтан одан тез арада арылыңыз. Ал, қыздың боқтағанына жігіттер үзілді-кесілді қарсы.

3. Киімі

Жігіттер үшін қыздың үстіндегі киімі қай бутиктен, қаншаға алынғаны, қай брендтікі екені маңызды емес. Жігіттерге маңыздысы – үстіндегі киімнің таза, жарасымды, қонымды болғаны. Әрине талғаммен, стилмен киіну де өте маңызды.

4. Қызығушылығы

Ән айту, би билеу, жүгіру, киім тігу, мысық асырау – жігіттерге маңыздысы бұл емес. Маңыздысы – өз өміріңіздің болуы, қызығушылығыңыз артқан сүйікті ісіңіздің болуы. Оның сізге не үшін керек екенін білу, ол туралы қызықты қылып, ашық айту.

5. Хабардар болуы

Қыздың кино әлемінде болсын, техника саласы болсын, соңғы жаңалықтардан хабардар болғаны жөн. Бұл – киноны жібермей, көруі керек деген емес, ол туралы ақпараттарға 2-3 минутын бөлсе болғаны. Әңгімеге арқау бола алатын әдеби кітаптарды да оқығаны жөн.

6. Түсінігі

Кейбір сөздерді өмірінде естіп көрмегендей шошып, жабайылық көрсетудің қажеті жоқ. Жігіттер аспанда қалықтап, арманымен өмір сүретін қияли қыздарды бағалай бермейді, реалист болу керек.

Сонымен қатар, балабақша ойынын ойнау да артық. Танысып, таныстықты ары қарай жалғастырғыңыз келсе, тағы да кездескіңіз келсе, ары-бері тартқыламай, телефон нөміріңізді қалдырыңыз. Ал, ештеңенің жалғаспағанын қаласаңыз, оны да ашық айтыңыз.

7. Жағдайы

Әрине өз нанын өзі тауып жей алатын, қызметі бар қыздарға кім қызықпасын?! Алайда, кей жігіттер қызметі бар, қолында қымбат ұялы телефоны бар, тіпті астында көлігі бар қыздарға көп мойын созады.

8. Сыпайылығы, жұмсақтығы

Адам мінезін, адамгершілігін  алғаш танысқаннан аңғара қою мүмкін емес. Тек дауысы, сөз мәнері арқылы бір жылылықты не керісінше дөрекілікті аңғаруға болады. Қыз неғұрлым сыпайы, сыңғырлы, жұмсақ дауыспен сөйлессе, жігіт ынтыға түсуі мүмкін.

9.  Жаман әдеттері

Темекі шегетін қызды жігіттердің бәрі дерлік, ұнатпайды. Сондықтан қызбен танысқанда онымен өткен бірнеше уақытта (жағдайға байланысты) темекі шегетін-шекпейтінін, ішімдікке қатынасын байқап қалуға тырысады.

10. Мақсаты

Бұл жерде сөз жігіттің мақсаты туралы. Жігіт қызбен түрлі мақсатта танысуы мүмкін: болашақ жарын іздеп, көңіл көтеретін жеңілтек қызды іздеуі де мүмкін. Қызды жігіттің көздегенімен сай келетін-келмейтін нысан ретінде бақылауы мүмкін.

Күйеу таңдаудағы 10 ереже

by

Әрбір бойжеткен үшін бала сүйіп, күйеуге шығу – өмірдегі басты мақсаттардың бірі. Ерте кезеңдердегі қызына ата-ана жұбай таңдаңдап, кіммен құда болатынын шешіп қоятын дәстүрлер түбегейлі жоғалған. Әр ару өз тағдырын өзі таңдай алады. Сезімге беріліп, ғашықтықтың көзсіз соқырлығымен таңдау жасауда қателесіп кететін құрбыларымыз да аз емес. Махаббат – ғажайып сезім, алайда, неке – алдағы тіршілігің мен өміріңнің кепілі.

Күйеу таңдаудағы 10 ереже

Таңдаған күйеуіңіз әке ретінде де, жұбай ретінде де көңіліңізден шығып, өміріңізді жайнату үшін біздің бірнеше кеңеске назар аударыңыз.

Сізге жүрегі мен қолын ұсынып жүрген жігіт бар делік. Сіздің оған деген сезіміңіз бен қызығушылығыңыз ерекше. Егер болашақта отбасыңыз берік, шаңырағыңыз нық болсын десеңіз, ол жігітті біраз сынақтан өткізіп, жан-жақты байқаңыз. Бір ғана сезіммен ұзаққа бара алмасыңыз анық, отбасында сезіммен қатар өзара түсіністік, құрмет үстемдік етуі қажет.

Сонымен екінші жартыңызды таңдауда есте ұстаңыз:

 1. Отбасына назар аударыңыз

Бәріміз де жастайымыздан ата-анамыздың тәрбиесімен қоса, олардың жеке қасиеттерін сіңіріп өсеміз. Көңіліңіз ауған жігітті жақынырақ танығыңыз келсе, оның отбасымен танысыңыз. Оның туыстарының өзара қарым-қатынасына қарап, болашақ отбасыңыздағы арақатынас моделін көре аласыз. Үлкенге құрмет, жаны ашу, әйелді сыйлау сияқты тағы да басқа әдеттер бауырларынан, ата-анасынан көрініп тұрса, сіз таңдаған жігіт – болашақ жұбайыңыз ретінде сай келетін жігіт болады.

 2. Әлеуметтік дәрежелеріңізді салыстырыңыз

Ия, қазіргі заманда ақбоз атты да, ханзаданы да, патшалықтың жасауын да алуға болады. Алайда, әлеуметтік дәреже екі жақтан да тең болмаса, арты ажырасумен аяқталу ықтималдығы бар. Әлеуметтік теңсіздік болса, бір тарап екінші тараптан кем түскені іштей ұялады, қысылады. Әңгіме тек материалдық жағдайында ғана емес, рухани байлақ пен діни тұрғысындағы теңсіздік те қатынасты қиындата түседі. Сондықтан әлеуметтік дәрежесі тең жанды іздеңіз.

 3. Балаларға көзқарасы

Барлық әйелге ұрпағын өзімен тең дәрежедегі жауапкершілікпен өсіретін еркек керек. Бірақ, оны бала болмай жатып қалай байқауға болады? Бұл турасында тіпті кей жігіттер ойын ашылып та айта алмайды. Алайда, кенже інісіне немесе ағасының бүлдіршініне қарауы, оны ойнатуы кішкентайларға деген жылылығын, балажандығын білдіріп-ақ тұрады. Бұл сынақты жүргізуде бүлдіршіндер табылмай қалса, құрбыңыздың көмегімен балақайлардың шулы мейрамына бірге барып көріңіздер.

Күйеу таңдаудағы 10 ереже

 4. Генетикалық сәйкестік

Бұл тәсілге астыртын саясатпен кірісу керек :). Жігітіңізбен араңыз тым тығыз болып, бір-біріңізден сыр жасырмайтындай күйге жеткенде сүйіктіңіздің не туыстарының созылмалы ауруы бар ма, өзі жиі ауыра ма (иммунитетін білесіз), спортпен шұғылдана ма сұрап алыңыз. Денінің сап-сау екенін айтып, мақтана қоймаса да, өз денсаулығын күту – жауапкершілігінің молдығын білдіреді.

 5. Үй шаруасында икемділігі мен қызығушылығының сәйкестігі

Егер жігітіңізге демалыс кездері жылы үйде, телевизор алдында жатқан ұнайтын болса, сізге арқаңызға сөмке асып, тауға шыққан ұнауы мүмкін. Бұл жағдайда екеуіңіз екі бөлек уақыт өткізуге тура келеді. Жар таңдағанда қызығушылық танытқан істеріңіздің толықтай бірдей болуы шарт емес, бірнеше іске бір пікірде болсаңыздар, жетіп жатыр. Осылай сіздер уақытты бірге көңілді өткізе аласыздар, сонымен қатар басқа достарыңызды да жоғалтпайсыздар. Үй шаруасында қандай екенін сырттай бақылау маңызды. Бір-екі істі тындырып беруді өтініп көріңіз.

Күйеу таңдаудағы 10 ереже

 6. Сексуалды темперамент

Жыныстық тәжірбиесі мол еркек болса, алған жарына төсек қатынасында керемет күй сыйлай алады. Жеке өмірлерінде бір-бірінсіз күн кеше алмайтын болса, қалған қиындықтардан оңай өтуге болады. Сондықтан, жігітіңіздің жыныстық қатынас тақырыбында көп оқып, көп білгенін, алдын ала дайындық болғанын қалайтыныңызды астыртын жеткізіп көріңіз.

 7. Ақша ұстауы

Ер жігіттің ақшаға деген қатынасы оның мінезі туралы көп нәрсе айта алады. Әрине, сүйіктісін қымбат ресторандарға апарып, сыйлағаны жақсы. Алайда, отағасы ретінде ақшаға жауапты және үнемшіл болуы керек. Ақырын ғана байқап көріңіз:

  • Сауда жасаған соң чектерін сақтай ма (өз-өзіне есеп беруі мүмкін)?
  • Тауар таңдарда бағасын салыстыра ма?
  • Кіріс-шығысқа кететін қаражатын жоспарлап жүре ме?
  • Артық ақша жинай ма?
  • Жақындарына қаражат бөле ме?

 8. Өмірге көзқарасы

Толыққанды шешім қабылдамастан бұрын болашақ күйеуіңіздің өмірде не қалайтынын біліп алыңыз. Болашаққа жоспарын сұраңыз, неге қол жеткізсі келеді, тұлға ретінде қай салада қалыптасқысы келеді. Ол үшін отбасын құру қаншалықты маңызды? Оның пікірі мен сіздің пікіріңіз сейкес келіп жатса, бас тоғыстыруға әбден болады. Ал егер керісінше болса, ол жігітті өзі қалаған өмірді сүруіне мүмкіндік беріп, отбасын құруды жоспарламағаныңыз жөн.

 9. Достары

«Маған досыңды көрсетші, сенің кім екеніңді айтайын». Ол сізді достарымен таныстырды ма? Жігітіңіздің отбасына байыппен қарағандай, достарына да анықтап назар аударыңыз. Олар кімдер? Өңшең бойдақтар ма әлде үйленгендер ме? Бастары қосылып, немен айналысады? Бір-біріне көмектеседі ме? Достары сізге құрметпен қарайды ма? Әр әрекетінен ой түйіңіз!

Күйеу таңдаудағы 10 ереже

 10.  Өзіңіз

Оның қасында тұрғаныңызда қандай сезімде болатыныңызды біліп алмай, сәтті таңдау жасаймын деп ойламаңыз. Оның жанында өзіңізді қауіпсіз, қуанышты әрі жайлы сезінсеңіз, жігіттің өмірлік жарыңыз болуға мүмкіндігі бар. Осы соңғы тармақта айтылғандар дұрыс болмаса, қалған тоғызын жоққа шығарады.

Жақсы, тәрбиелі, өмірде өз орнын қалыптастырып үлгерген күйеулер жерде шашылып жатпасы анық. Дегенмен, ойша керемет жігіттің портретін жасап алып, сондай жан кездескенше сарғая күтудің қажеті жоқ. Өйткені, кемшілік бәрінде бар, идеалды адам болған емес.

Күйеу таңдаудағы 10 ереже

Жоғарыда айтылғандарды есте сақтаңыз, өз-өзіңізге қараңыз, сонда бәрі жақсы болады. әр қыздың өзіне сай күйеуі болады 🙂 

 Суреттер: Интернеттен алынды

Еріңізді қалай тамақтандырасыз?

by

Еріңізді қалай тамақтандырасыз?

Дәмді тамақ жегенді қаншалықты ұнатасыз? Ал еркектердің жүрегіне жол тарту асқазан арқылы да екенін білесіз бе? Саусағыңыздан бал тамған азпаз болмасаңыз да, күйеуіңіздің көңілінен шығып, қарны тоятындай тамақ әзірлей білсеңіз, сіз үнемі жұбайыңызға бағалысыз.

Ет. Жәй ғана сөз емес, ЕТ! Ет – еркектердің ең сүйікті тағамы. Егер сіз бешбармақты, қуырдақты жақсы дайындай алсаңыз,  қуана беріңіз.

Еркектер неге етті жақсы көреді? Ерлердің жыныстық гормондарының синтезіне ет протеиндері өте қажет. Сондықтан ет – нағыз ерлер тағамы. Оларға сүт тағамдары, балық, көкөністер ет секілді энергия, күш бере алмайды.

Калория.  Осы тұсқа келгенде ерлер мен әйелдер бір-біріне мүлде ұқсамайды. Біз, әйелдер аз калориялы, семіздікке алып келмейтін тағамдар жеуге не аз тамақтануға тырыссақ, еркектер – керісінше.

Мөлшер. Ерлер үйде қажетті тағамдардың бәрі толып тұрғанын, күнделікті жасалған тамақтың да тойымды, мол болғанын қалайды. «Менің үйім – тағам толы ыдыс. Ыдысым толы болсын!» Ерлердің осылай ойлайтынын ұмытпағайсыз.

Десерт. Ерлер тәттіге құмар емес деп ойлағанмен, олар балмұздақ пен шоколадтан бас тартпайды.

Бастысы – әртүрлілік. Ерлер төсекте де, дастарханда да әйел ісінің түрлі болғанын қалайды екен.

Күнделікті дайындайтын тамағыңызға өзгеріс енгізу қиын емес:

  1. Күнде 2 тағамды алмастырып жасай бермеңіз. Тамақты бір істегенде өте көп қылып жасамаңыз, оны тауысқанша ашып кетеді де, ысырап болады.
  2. Тіпті күніге салаттың өзін әр түрлі қылып жасауға болады.
  3. Егер жартылай дайын (полуфабрикат) тағамдар алғалы жатсаңыз да, мәзірді түрлендіріңіз: пельменнің орнына фарш салынған бұрыш, сосисканың орнына сардельки, т.с.с алыңыз.
  4. Ең оңайы аптаның әр күніне жасайтын түрлі тамағыңыздың тізімін құрыңыз. Бұл қажетті азық-түлікті анықтағанда да көп көмектеседі.

Егер сіз күйеуіңізді дәмді тағамдармен уақтылы тойдыратын болсаңыз, ол – еріңіздің ғана емес, өзіңіздің де денсаулығыңыздың кепілі. Себебі, дені сау, күшті, ас қорыту жүйесінде ақау жоқ ер – әр әйелдің бақыты. 🙂

Еріңізді қалай тамақтандырасыз?

Суреттер: mastergraf.net, unassvadba.ru

Еріңізді мақтай білесіз бе?

by

Еріңізді мақтай білесіз бе?Сүйіктіңізге, күйеуіңізге махаббатыңызды жеткізудің бір тәсілі – оны мақтау. Мақтауыңыз шынайы болу керек. Кез келген ісіне алғыс, өзіне мақтау сөздерді айтып жүрсеңіз, еріңізге майдай жағары сөзсіз. Сіз еріңізді қалай мақтайсыз?

Еріңіздің сымбатты екенін айтыңыз. Спортпен айналысатын болса, денелі, тұлғалы екенін жеткізіңіз. «Сіздің қорғаныңыз, арқа сүйер тірегіңіз» екенін жиі айту арқылы өзіңіздің әйелге тән нәзіктігіңізді, еркелігіңізді ұмыттырмайсыз.

Орайы келсе, әңгіме арасында мақтап үйреніңіз және мақтаудың сәті түскен кездерді жіберіп алмаңыз. Әдейі жағыну үшін мақтағаныңыз кері әсерін береді және оны еркектер сезіп тұрады.

Достарыңыздың, туыстарыңыздың көзінше күйеуіңізді мақтап қойсаңыз, марқайып қалады. Әрі сізді одан сайын жақсы көріп кетуі әбден мүмкін J.

Еріңізді мақтау араларыңыздағы сыйластықты арттырғанмен қоса, бір-біріңізді бағалауға үйретеді.

Күйеу үшін ең үлкен мақтау – сырт көздің әйелін мақтауы, оның жақсы жар, сұлу әйел, ақылды ана таңдағанын айтуы.

Күйеуіңізді шын көңілден мақтай біліңіз!

Еріңізді мақтай білесіз бе?

 

Суреттер: www.happy-giraffe.ru; 7emya.ru

Неке қию

by

Неке қию Неке қиюдың шарттары
1) Неке қию «бердім» деп тапсырудан және «алдым» деп қабылдаудан тұрады. Бірінші жақ тапсырады, екінші жақ қабылдайды. Ғұламалардың ортақ пікірі бойынша, қыз: «саған тұрмысқа шығуға разымын» немесе қыз өкілі: «қолымдағы қызды саған бердім» дегеннен кейін ғана қыз жағы неке шарттарын орындаған болып есептеледі. Ал, екінші жақ «мен қабылдадым» десе және некенің төменгі шарттары толық болса, неке қиылған болады:
А) Қызға қалың мал аталып, сол жерде не кейін беріледі.
Ә) Кәмелет жасына жеткен, ақыл-есі дұрыс, ерікті, неке сөздерін еститін, бұның неке қию екенін толық түсінетін екі еркек куә болады (қыз бен жігіттің әкесі, аға-інісі секілді жақын туыстары).
Б) Жариялау.

Неке қиюдың негізгі үкімдері:
1) Екеуінің арасында ерлі-зайыптылық орнап, жар төсегіне жатуына болады. Сондай-ақ құдалық қатынас орнайды.
2) Неке ер кісіге төмендегі істерді орындауға міндеттейді:
А) Қалың мал. Бәрін немесе бірінші берілетін бөлігін беруі тиіс.
Ә) Нәпақа – яғни бағу, киіндіру, баспана сияқты т.б. қажетті нәрселермен қамтамасыз ету.
3) Әйелге төмендегі істерді орындау міндет:
А) Ер адам неке шарттары бойынша әйелге басшы, сондықтан әйел оның тәрбиесіне мойынұсынып көнуге міндетті.
Ә) Шариғат үкімі бойынша рұқсат етілген істерде әйелі күйеуіне бағынады. Үйде отырады.
Б) Етеккір сияқты заңды себебі бар жағдайлардан басқа уақытта жар төсегінен қашуға хақы жоқ.

М.А.Канъан «Жұбайлар шаттығы» (Араб тілінен аударған: А.Ахмад)

Сурет: blogs.privet.ru

 

Жігіттер не себепті отбасын құрады?

by

Жігіттер не себепті отбасын құрады?  Кейбір бойдақ жігіттерге  «Неге үйленбей жүрсің» деген сауал жолдасаң, үйленетін қыздың жоқтығын айтады. Ал қыздардан сұрасаң, не күледі, не ашуланған кейіппен жауап береді. «Қыз таппай жүрген» жігіттер бәрібір үйленеді. Өйткені, отбасын құру керек. «Үйлену керек» деген мақсатты көздеген жігіттер асығыс шешім қабылдағанына өкінгенін білдірмесе де, «жаман қатынның қайдан шыққанын» білмей дал болады.

Ал енді еркектер қауымы не себептен үйленетіндігін сұрау арқылы жүргізілген сауалнаманың  қорытындысына сүйеніп, жігіттің әйел алуына түрткі болар себептерді топтастырайық.

Қанша жерден жасыруға тырысса да, еркектер тән қажеттілігін алға тартып  үйленеді екен, яғни жұбайлық өмірдегі жыныстық қатынасты қажет етеді. «Тегін төсек болғаны үшін» деген әзіл ауыздарына бірінші түсіп, артынан қалжың екенін айтып, келесі себептерін сөз қылып жатады. Күнделікті төсек қатынасын керек ету ықпалымен үйленетін жігіттердің жасы 25-ке дейін ғана. Махаббат, сезімдердің соңы да гормондардың іске қосылып, жыныстық қатынасқа ұласуына әкеледі.

Артынан ұрпақ қалдыру мақсатымен үйлену екінші кезекте тұр. Олардың қатарын сүр бойдақтар толықтыратын көрінеді. Бірақ, бала сүюге асығу – әйелдердің бойында жиі болатын қасиет. Ол әйелдер үшін – күйеуін жанында ұстап қалу үшін немесе өзін толыққанды бақытты сезіну үшін мақсат болса, еркектер үшін – ізін жалғау, ұрпақ сабақтастығы. Былайша айтқанда, бүгінгі күннің емес, болашақтың қажеттілігі.

Тұрмыстық жағдайының жинақы әрі дайын болғанын қалағандықтан үйленуге асығатын  жігіттер бар. Олар анасындай, пысық, үй қызметтеріне жатық қыздарды іздеп табуға тырысады. Алайда, бұл үйленуге ықпал болатын себептердің соңғы жағынан орын алуда. Қаражатты көп табатын еркектер үй қызметкерлерін ұстау арқылы да жайлылыққа жете алады. Негізінде, жігіттерге қарағанда, қыздардар тұрмыстық мәселелер жайлы көп ойлайды. Болашағында өзін, бала-шағасын асырай алатын, тамағын таба алатын, үйінің, мүлкінің бар болғанын қалайды.

«Қаласаң да, қаламасаң да, үйленесің» қағидасымен отау құратын жігіттердің отбасы керемет жарасым тауып кетуі мен екіге айрылу қаупі елу де елу. Үйленуден басқа жол болмай, шаңырақ көтеруге себептер арасында кең етек жайғаны – қыздың екіқабат болып қалуы.

Өз борышын өтеу үшін шаңырақ көтеру жігіттерді үйленуге алып келетін соңғы себептердің қатарын толықтырады. Олар әрине «анам шаршамасын, ата-анам немере сүйсін, әжем шөбересін көріп кетсін» деген сияқты адал ниетті іске асырумен жалғасып кете барады.

Ал жанына серік іздеп, жалғыз қалмаудың жолы – неке, үйлену деген себеппен отбасын құратындар асарын асап, жасарын жасап болған, қырықтың қырқасынан біраз асқан еркектерде болатын себеп. Сондықтан жас жігіттер арасында бұл ықпал соңғы орында.

Сауалнама барысында алынған жауаптардан мысалдар келтіре кетсек:

ЖІГІТТЕР НЕ СЕБЕПТІ ОТБАСЫН ҚҰРАДЫ?

Абай Асанкелді : Ең бірінші – адам жалғыз жүре алмақ емес. Мен үшін болашақ жарым менің досым, әрі сырласым болғанын қалаймын. Сондықтан мен үшін ең бірінші себеп жаныма жақын адам табу. Екінші – ол әрине жыныстық қажеттілік. Үшінші – ата-анамның үмітін ақтап, бір келін апарып берсем деймін.

Абзал Сариев: Не үшін???? Амалсыз ұрпақты жалғастыру не байлығым жатқа қалмасын деген ойда емес, Жалпы өзімнің саналы ғұмырым басталғалы – өз балама (қызыма) мен үшін ең бастысы дұрыс адами ТӘРБИЕ беріп, оны АДАМ етіп шығару деген ниетте үйленермін!

Садық Шерімбек: Күніммен түнімді, қуанышым мен мұңымды бірге бөлісетін бір жанның болғанын, балаларымның болғанын қалаймын. Әрине, әзірге өз қажеттілігім үшін үйленем дегені емес, тамақты мен де жасай аламын. Табиғи қажеттілікті есепке алмағанда, жұптасып ғұмыр кешу, тіршілікті жалғастыру – өмір заңдылығы, Алланың бұйрығы. Болашақ әйелім махаббатым емес, бұрыннан жақсы түсінісетін, жанашыр дос қызым болса, керемет болатын еді.

Алдан Жылгелдi: Өмірде қандай да болса тұрақтылыққа талпынудан туындаған үрдіс болса керек…

Жалгас Ертай: Табиғи қажеттіліктерінің тікелей қатысты себебін айтпай, кейбір еркектер репродуктивтілік және басқа да қажетсіз нәрселер туралы ой тарқата бастауы мүмкін, оны ешкім теріске шығармайды. бірақ, факт одан өзгермейді 🙂

Абай Омаров: Тамақ пісірмеу үшін, үй жинамау үшін, киімдерімді үтіктемеу үшін, жұмыстан немесе басқа жерден ашуланып келгенде, жыныңды әйеліңнен алу үшін.

Жанасыл Болатбек: «Табиғи қажеттілігін қанағаттандыру үшін» десем, бола ма?

Сурет: ameno.ru

ӘЙЕЛДЕРГЕ ҚАНДАЙ ЕРКЕКТЕР ҰНАЙДЫ?

by

ӘЙЕЛДЕРГЕ ҚАНДАЙ ЕРКЕКТЕР ҰНАЙДЫ?

Әйелдер ойша өзіне ұнайтын еркектің образын жасап алғанмен, ұнатқан жігіті ол образдан мүлде басқа болуы мүмкін. Сонымен әйелдерге қандай еркектер ұнайды? Қандай қасиеттерін жоғары бағалайды?

Біріншіден, кез келген мәселені шеше білетін еркектер әрқашанда әйелдер тарапынан құрметке ие. Алдына қойылған мақсатына барар жолды дұрыс таңдай алмай, кездескен кедергілерге шағымдана берсе, әйелінің мәселесі тұрмақ, өз мәселесін әйеліне жүктеп жатса, әрине соңында ол жалғыз қалады.

«Дені дұрыс» әйел орындалмай қалған уәделерді ұнатпайды және жанына өз-өзіне сенімді, өмірдің қиындығынан қыңқ етпей өтетін мықты еркекті көргісі келеді.

Кейбір нәзік жандылар өзіне кішкене қаталдық танытатын еркектерді ұнатады. Бірақ, шектен шығып, пікірімен санаспай, барлық жағынан шектеу қойып тастаған еркекпен шатастырып жүрмеңіз!

Әйелдердің басым бөлігі танымал еркектерге көп құмартады. Өйткені, оған қол жеткізу үшін намысын қайрап, сұлу болудың сан тәсілін қолданады. Нәтиже ойындағыдай шықса, құрбыларының арасында беделі өсіп қалатыны тағы бар. «Ел мақтаған жігітті қыз жақтаған».

Мейірімді, еркелете білетін, «тәтті» сөздер айта білетін еркектер әйелге әрқашанда ұнаған және ұнай береді. Өзі туралы жағымды сөздер кімге ұнамасын?! Әйелдер «құлақпен» де сүйеді.

Лидер, топтың алдында жүретін еркектерді жауапкершілігінің молдығы үшін жақсы көреді. Өйткені, болашақ ана, болашақ жарға отбасы үшін барын салатын, сүйеніш болар жан керек.

Әйел үшін жақсы көретін жігітінің немен айналысып, неге қызығатыны да өте маңызды. Өйткені, жанында жүріп өзі де содан ләззат ала білуі керек. Демек, еркектің қызметі, хоббиі аз да болса ықпал етеді.

Сырт келбеті көп нәрсені шешуге ат салысады. Әйелдер еркекті алғаш көргенде көркі мен тұлғасына назар аударады. Араласа, сөйлесе келе ғана, мінезі мен ақылына баға береді.

Тазалықты жаны сүйетін әйелдер де аз емес. Жанында жүрген жігіттің туфтиінде шаң жатпай, үстінде қыл жүрмесе, сол жігіттің бағасы да арта түседі.

Жоғарыда көрсетілгендер – әйелдердің басым бөлігі назар аударатын қасиеттер. Өмірде әр адам өзінің тартымдылығымен бағаланады. Әр әйел қасында өмірінің соңына дейін серік болар, өзін оның жанында бақытты әрі қалаулы жан сезінетіндей, сенімді әрі физикалық қатынаста да сай келетін еркектің болғанын қалайды.

 

ЕРКЕКТЕР ЖАЙЛЫ ШЫНДЫҚ

by

Еркектер әйелдерге қарағанда тез әрі жиі ғашық болады. Әйелдер көзі түскен еркекпен болашақтағы қатынасын елестетіп болғанша, еркектердің жүрегі «жараланып» үлгереді. Ойнақшыған көз, әдемі аяқ, сұлу мүсін еркектің назарын еріксіз өзіне аудара түседі де, ойлануға мұрша бермейді.

Еркектер әйелдерге қарағанда кемінде сегіз жыл аз өмір сүреді және денсаулығына көңіл бөлгенді ұнатпайды. Еркектердің көбісінің ойынша денсаулығына шағым айтып, дәрігерлер алдына жүгіре беру – еркекке тән іс емес. Еркекті аурудың түрі не күтінудің жолдары жайындағы ешқандай да әңгімемен қызықтыра алмайсыз, одан ситуацияға құрылған шытырман оқиғалар әлдеқайда қызық.

Психикалық тұрғыдан да, физикалық тұрғыдан да жігіттерге қарағанда қыздар төзімді. Әйелдерде организмнің қорғану күші жоғары болады, ал психикалық төңкерістерге мықтап төтеп береді. Себебі, көкіректегі қиындықтарды көз жасының көмегімен азайтып алу қасиеті бар. Тіпті апат бола қалған жағдайда көбіне нәзік жандылар басым санмен аман қалып жатады. Бұл еркектердің әйелдерге құрмет көрсетіп, бірінші құтқаруынан емес, әйелдер қиын жағдайдан шығудың жолын тез табады, жаңа оқиғаға бейімшіл.

Еркектердің терісі қалың. Сондықтан оларда әжім аз болады. Еркекті өзімен бір жастағы әйелмен салыстырғанда, жас көрінеді, сырт көркі ғана. Ал жас көрінген еркектің қауқары төмен болуы мүмкін. Себебі, әр он жыл сайын физикалық кедергіге төтеп беру мүмкіндігі әйелдерде екі пайызға кеміп отырса, еркектерде он пайызға кеміп отырады.

Еркек пен әйел әр түрлі ойлайды. Ми жұмыс істеуінің жынысқа қатысты айырмашылығы бар және бұл – тек адамдарға ғана емес, хайуандарға да, жануарларға да тән құбылыс. Еркек бір уақытта екі жұмысты істеуге қабілетті. Мысалы, машинасын жөндеп тұрып, газеттен оқыған мақаласын талқылауы мүмкін. Машинасының бұзылған тетігін түзеу үшін миының жарты бөлігі қызмет етсе, қалған жарты бөлігі мақаланы талқылауға жұмыс жасайды. Ал әйелдер бір ғана істі тындыру үшін миының екі жартысын да біріктіреді. Бұл берілген тапсырманың орындалуының жылдамдығын ғана арттырмайды, тиянақты болуын қамтамасыз етеді. Әйелдің қырағылығы кез келген өтірік әңгіменің шындыққа жанасымды болуына септігін тигізеді. Сондықтан еркектерді сендіру оңай.

«Барлық еркек – бала». Коко Шанель осылай айтқан. Бұл сөздің астарын түсінген әйел бәрін де түсінеді. Еркектер 50 жасында да ойға сыймайтын істерді істеуі мүмкін. Немересімен доп теуіп, асыр салып ойнауы да қалыпты. Басым бөлігі 40-тан асқанда бозбала секілді ғашық болғыш келетін көрінеді.

Ең қызығы, әйелдерге қарағанда, еркектер өмірлік серігіне көбірек көңілі толмайды екен. Айтпаса да, түсінікті. Қыздар қауымы ақылға салса, кімге күйеуге шығатынын, болашақта қалай болатынын біліп, болжап, іштей дайын болады. Ал еркектер сезім мен сұлулықтың шырмауынан шыға алмай, өзін жақсы көріп, аялап, еркелетіп жүргені жеткілікті деп ойлайды. Жыл өткен сайын әйелін жаңа қырынан көрген сайын таңырқай береді.

Отбасын құрған барлық еркектер шыдамсыздана мұрагерін күтеді. Баланың дүниеге келуі әйел мен ердің арасын неғұрлым жақындатса, соғұрлым алыстата түседі. Айтылған «бауы берік болсындар», құттықтаулар, «жуу», тойлау, өзін әке сезініп, марқайып қалу сияқты қуаныштардың арты баланың түні бойы жылап, сан рет ұйқыдан оятуы, төсегінің, киімдерінің «былғануына» ұласады. Оған қоса, әйелінің бар назары баласына ауып, еркектер бүкіл ықыласын шаранасына арнаған әйелін іштей қызғанады. Тұңғыш баласы қыз болып туылса, ұл дүниеге келгенше, еркектер шыдамсыздана күтетін көрінеді.

Еркектерде табысқа ұмтылыс басым. Мақсат, карьера, мол ақша – еркектер үшін өте маңызды. Жұмыссыз қалу не қаржы қорының ойсырауы – отағасына үлкен трагедия. Жағдайының төмен болуы намысын қытықтап, өзін-өзі іштей «жеп қояды». әйелін, баласын асырау үшін мол табыстың болуына ұмтыла түседі де, оған жетудің жолдарын ұтымды таба біледі.

Еркектер «қыдырудан» бас тартпайды. Егер ол сүйікті әке, құлай сүйген отағасы болса да, сұлулыққа, жастыққа сүйсініп, ойнап-күлуден қашпайды. Жан-жаққа «көз тастауы» 40-50 жас шамаларында көп орын алады екен. Отбасының күйбең тіршілігінен бірауық тыныштықты аңсап, «даладан» жылу іздеп, жаңа романдарға ықыласын аударуы мүмкін. Күйеуіңіздің бұл еркелігін кешірімділікпен түсіне білсеңіз, шаңырағыңыздың шайқалмауына, күйеуіңіздің одан сайын қадірлей түсуіне жол табасыз.

Төсек қатынасынан соң неге бірден ұйқыға кетеді? Бұл – дөрекілік, сізді сыйламағандық не ойында басқа бір арудың тұруында емес. Тән ләззәтін алған еркектерде аз секундтар ішінде ұйқыға тартатын зат бөлінетін көрінеді. Ол үшін ашуланбастан, жай ғана ұйықтатпауға тырысыңыз.
Еркектер жайлы қандай тақырыпта сөз қозғасақ та, біздің оларсыз күніміз жоқ.

Сұлу әйелдің суреті де еркектерді есуас етеді

by

Өмірде не болмайды?.. Қысқа көйлек киіп көшеде тұрған қыз-келіншектерге қарап, ақыры автоапатқа ұшыраған жігіттердің алды мүгедек болып қалған. Бұдан шығар қорытынды – сұлулық деген – дерт. Әдемілік адамды қашанда өзіне баурап алады. Ал көрікті бойжеткендер еркек атаулыны баурамақ түгілі, өртеп жібереді (Сондықтан да болар, әлемге әйгілі Пикассо: «Еркектер қашанда өзі сүйетін әйелмен жасты», – депті жарықтық). Мұны бельгиялық оқымыстылар дәлелдеп отыр. Тіпті олар сұлу әйелдерді тірідей көру былай тұрсын, суретінің өзі жігіттердің қан құрамына өзгеріс енгізіп, жұмыс қабілетін азайтатындығын дәлелдеген.

Лувенс университетінің зерттеушілері жүргізген сараптамаға 18 бен 28 жастағы 176 гетеросексуалды еріктілер қатысқан. Оларға картамен құмар ойнау тапсырылған. Бірақ алдын ала жігіттерге арулардың іш киімдері көрсетіліп, соған немесе сұлу әйелдердің суретіне қарап баға беру тапсырылған. Ал екінші бір ойыншылар тобына қарапайым майкілер және кәрі кемпірлердің суреттері көрсетілген.
Ойын қорытындысы бойынша, жас әйелдің суреті мен іш киімдеріне баға берген жігіттер жағы қызба ойынды қыздыра алмаған. Әлгілер іш киім мен суреттен алған әсерлерінен арыла алмай, ақыры жүрістерінен жаңылысқан. Демек, әлді батырдың өзі қатты толқығанда «быламыққа тісін сындырып» алады. Оның арғы жағында жүйкеге тиіп, жаныңды ауыртатын «сағыныш» деген сары уайымды айтпай-ақ қойсақ та болар.
Кез келген жігіт сұлуды сыртынан ғана көруге құштар. Ал кездесіп, таныстықтары достыққа ұласқан жағдайда олар сол арудың құлына айналады. Мұның бір жағы құлай сүюге байланысты болса, екінші жағы сұлулардың бойында болатын көзарбаушылықпен байланысты. Егер қарым-қатынас қызғанышқа ұласса, мұның соңы адам өліміне дейін апарып соқтырады. Сондықтан айымдардың өзіне де, суретіне де көп қарамаңыз. Сұлулыққа тым құмарлық адамды ауру етеді.
Әйгілі комик Чарли Чаплин пайғамбар жасына таяғанда әке атанған. Бұл алпыстан асқанда балалы болған белгілі әртіс Асанәлі Әшімов, белгілі режиссер Асқар Тоқпановтардың қасында түк те емес. Ал енді Гераклге жететін жан жер бетінде жоқ. Ол бір түнде елу әйелді «ермекке» айналдырған. Көпшілігі одан бала сүйген. Мұндай ерлікке жігіттер қалай барған, орасан зор қуат оларға қалай біткен?
Осы сұрақтарға жауап іздегендер әлі күнге нақты шешімге келе алмай жүр. Ал бүгінгі күннің андролог мамандары «мұндай мүмкіндік әр еркектің бойында бар» дейді. Бірақ ол жасқа байланысты өзгеретіндігін ешкім жасыра алмайды. Мысалы, жиырма жастағылар тәулік бойына қабілетін жоғалтпайды. Отыз жасында ол әлдеқайда тынышталады. Қырықтағы қылжақпастардың дені үнемі өздерін мойындатуға тырысады. Елуге толғандар қырықтағы кезін сағынады. Өйткені олардың жыныс гармондарын бөлу қабілеті әлсірейді. Соған қарамастан, кейбір жуан жұдырықтылар қабілеттерін жоғалтпайды. Мысалы, кейде өзі жетпісте болғанымен, формасы әлдеқайда жас көрінетін адамдар ұшырасады. Дәрігерлер осындай азаматтарға қарап «биологиялық жас» деген терминді шығарған. Олардың жүрек-қан тамырлары, тыныс жолдары мен жүйкесін, қан құрамындағы холестерин мен шалт қимылын тексергенде, шын мәнінде мықты қасиеттері бірінші орынға шыққан.
Дәрігерлердің анықтаған тағы бір мәселесі – жігіттердің сексуалдық белсенділігі. «Осы мәселе неге бірінші орынға қойылды?» деген сұраққа жауап іздегенде бұл жігіттерді кез келген дерттен қаншалықты сау екендігін анықтайтын көрсеткіш екендігін айтқанымыз орынды. Ендеше, бөріктілер көріктілердің алдында ұятқа қалмас үшін андролог мамандарға барып, кеңес алып тұрудан қымсынбауы тиіс. Төсек қуатының кемімеуі денсаулықтың әлі қанша жылға сыр бермейтіндігін аңғартады.
Белсіздік – жігіттердің жүйкесіне тиеді, айтып келмейтін ауруға ұрындырады. Ол адамның «ішкенін ірің, жегенін желім» етеді. Мұндай күзеліс 40-тан кейінгілердің өзін тез қартайтады. Андрологтар берген анықтама – «15 еселік қорға» қатердің төнуі де белсіздікпен байланысты.
Екінші бір жағдай, бүгінгі жігіттер туабітті қалыптасатын қасиетке атүсті қарайды. Осының салдарынан елуден соң есі шыққандар амалсыздан «Виаграны» пайдалануға көшеді. Мұндай қасіреттің алдын алу үшін мамандар төмендегідей кеңестерді ұсынады.

1. Отыз жастан соң жыныс қатынасын үзбеу (өзге ағзалар секілді жыныс мүшесі де үнемі жаттықтыруды қалайды). Ол адам ағзасын, ұрықты жаңартып отырады.
2. Жігіттердің арақ-шарап, темекі, есірткі пайдаланбауы ағзаны жақсартып, күш-қуатты арттырады. Салауатты өмірді қалыптастырған жігіттерден дені сау, ақылды балалар дүниеге келеді.
3. Жыныс қатынасы барысында сақтық шараларын жасау да пайдалы. Өйткені жыныстық қатынас арқылы тарайтын аурулар жігіттердің өміріне қатер төндіреді (уретрит, простатит, везикулит, эпидидимит, орхит т.б.)
4. Ал белсіздіктің пайда болуына мына дерттер әсер етуі де мүмкін: жүрек қан тамырлары ауруы; артериальды гипертензия; эндокриннің бұзылуы; сусамыр; аденома; жүйке аурулары; зиянды препараттарды қолдану; ішімдік, есірткі, темекі; бір орында тапжылмай отыру; стресс; экологияның ластануы; дұрыс тамақтанбау; ұйқының жиі бұзылуы.
«Сұлу әйелдің өзі түгілі, суретіне қарап шала мас болып қалатындар үшін дәрігер алдына жиі барып тұру пайдалы», – дейді мамандар. Дәрігерлердің бұлайша жанталасуына ерлер мәселесінің жыл сайын күрделеніп бара жатқандығы себеп. Әлемде жиі өлетін де, ауру немеcе мүгедек болып қалатындардың денін осы топтағылар құрайды. Ауыр жұмыс пен отбасын асырау да жігіттердің еншісінде. Сондықтан, бұл проблема қазақ жігітіне де ортақ. Одан сырт қалмауды ұйғарғандықтан, бүгін өздеріңізге арнап біраз кеңес бергенді жөн санадық.

Жолдасбек Дуанабай

Мақала сілтемесі «Айқын» басылымы.

ӘЙЕЛ МЕН ЕРКЕКТІҢ МИЫ БІРДЕЙ МЕ?

by

Еркек пен әйелдің арасындағы айырмашылықты жұрттың бәрі жақсы біледі. Алайда «әйелдің шашы ұзын ақылы қысқа» деген қағиданы алға тартып, бүгінгі нәзік жандылары ешқандай да кемсіте алмайсыз. Тіпті олардың арасында билік бишігінде жуан жұдырықтылардан да мықты жұмыс істейтіндері жеткілікті. Соған қарамастан, арулардың ақылы ерлерге қарағанда, жан-жақты дамымағаны жиі сөз болуда.

Еркек пен әйелдің арасындағы айырмашылықты жұрттың бәрі жақсы біледі. Алайда «әйелдің шашы ұзын ақылы қысқа» деген қағиданы алға тартып, бүгінгі нәзік жандылары ешқандай да кемсіте алмайсыз. Тіпті олардың арасында билік бишігінде жуан жұдырықтылардан да мықты жұмыс істейтіндері жеткілікті. Соған қарамастан, арулардың ақылы ерлерге қарағанда, жан-жақты дамымағаны жиі сөз болуда.

Лондон университеті жанындағы колледждің нейробиологы Нейл Барджесстің айтуына қарағанда, ерлер кез келген сынақтан «сүрінбей» өтеді. Мәселен, оларды бейтаныс жерге апарып тастасаң, үйге қайтатын жолды тез табады екен. Ал осыған байланысты пікір білдірген Германиядағы Ульмс университетінің профессоры Маттиас Рип ерлер мен әйелдер ойлау кезінде мидың бірдей бөліктерін іске қоспайтындығын айтады. Зерттеушілер 12 еркек пен 12 әйелге лабринттен шығудың үш жолын іздеуді тапсырғанда, ерлер мидың сол жақ бөлігін көп пайдаланатыны белгілі болған. Нәтижесінде, олар әйелдерге қарағанда, сыртқа шығар жолды тез тапқан.
АҚШ-тағы Джон Хопкинс медицина университетінің ғалымдары компьютерлік тексеруден кейін «мырзалардың мықтылығы самай тұсындағы төменгі ми бөлігінің жақсы жұмыс істеуінен» деген шешімге келді. Ол «жер» көру және ақпаратты өңдеу, назар аударуды сараптан өткізуге жауап береді. Бұған қарап отырып, «әйел миының жетілген түрі тек ерлерде болады» деуге болмайды. Ерлердің миы нақты ғылымға бейімделсе, әйелдердің миы сөйлеу мәнерін қалыптастыруға күш салады.
Америкалық ғалымдар екі жыныстылардың миын екі бөлек қарастырады. Олар «адам миы генетикалық жағынан бірыңғай жетілмейді» деп есептейді. Сол себепті әйелдер өздерін ерлерден кем санап, «бостандыққа» ұмтылатын көрінеді. Канададағы Альберт университетінің зерттеушілер тобы да әйел мен еркектің миы бір-біріне сәйкес еместігін айтады. 23 ер-азамат пен 10 әйелге бір тапсырма беру кезінде, олар мәселені шешу үшін мидың түрлі бөлігін пайдаланатындығын растады. Ал ми бөліктерінің адамға психикалық жағынан қалай әсер ететіндігі тіпті қызық. Мысалы, мелодрама көру барысында әйелдер жылап-сықтап отырса, ерлер ұйықтап қалады. Көлікпен кетіп бара жатқанда, әлдебір жерді табу үшін ерлер жол бойындағы көрсеткіш тақталарына қараса, әйелдер жол картасын іздейді. Базарда әйелдер киімді ұзақ іздесе, ерлер үйге тез қайтады. Оңашада кездескен ер мен әйел екі түрлі ойлайды. Еркек тезірек ақжаулықтыны «төсекке атып ұрғысы» келсе, әйел «оқиға соңы қалай боларын» ойлап, кібіртіктейді. Мұның себеп-салдарын іздеген ғалымдар еркектердің миында ақпарат өңдейтін сұйық әйел миындағы сұйықтықтан 6 есе көптігін айтады. Есесіне, шүйкебастарда ұйымдастырушылық қабілетті арттыратын сұйық 10 есе көп. Бірақ екеуінің де бақытты болуы үшін жеке өмір сүргеннен «көп адаммен бірге адасқан» дұрыс.

Сілтеме: «Айқын» басылымы.

Еркектерді естен тандыратын белсіздікті дер кезінде емдеуге болады

by

Соңғы кездері еркектердің жыныс мүшесіне қатысты дендеп кеткен дерттің бірі – белсіздік пен ұрықсыз қалу. Асқынған аурулар қатарына жатпағанмен, бұл дерт жігіттердің жүйкесін жұқартады. Өзінің күш-қуатының төмендегенін сезінген ерлер урологтар мен андролог мамандарға дер кезінде қаралса, аталған қасіреттен құтылуға болады.
Сонымен, бүгінгі әңгімеміз белсіздік төңірегінде болмақ. Сіздерге кеңес беретін Алматы дәрігерлер білімін жетілдіру институты урология бөлімінің меңгерушісі, медицина ғылымдарының докторы Болат Уахитұлы Шәлекенов.

Белсіздік – көп факторлы: оған әсер ететін қуықасты безінің ауруы; буын тамырларындағы кінәраттар; еркек гормондарының жетіспеуі, оның жұмыртқада ұйып қалуы. Гормондар төмендеуінің әсері күшті. Простатит болғаннан кейін қуықасты безі қабынғанда, ұрық көп бөлінбейді. Екіншіден, ұрық сыртқа шықпаған соң, ол без ішін¬де жиналып, бездегі бұлшық еттер¬дің тартылуынан ұрықты сыртқа қарай күшпен айдай ал¬майды. Мәселен, бір ай шама¬сын¬да ісса¬пар¬да болған жігіттер әйелдермен жа-қындаспаса, жыныс мүше¬сі қыз¬метінде белгілі бір өз¬герістер бо¬лады. Демек, ұзақ уақыт жыныс қа¬тынасына бармаған жігіт¬тердің ден¬саулығы сыр беруі әбден мүм¬кін. Олар үзілістен соң әйел¬дермен жақындасқанда ұрық¬ты тез жібе¬ріп қояды. Соның сал¬дарынан өзі де, төсекте бірге жатқан нәзік¬ жы¬ныстылар да ойдағыдай қана¬ғат алмайды. Содан соң… ер аза¬мат¬тардың көпшілігі осыны ойға алып, жүйкесін жұқартады. Тіпті әйелге жақындасудан жүрексініп, тартыншақтап жүреді.
Қабынудан соң бездің шы¬ғара¬тын гормон секілді ферменттерінің бірі – ингибин уақытысында бөлін¬бей¬ді (Оны кәдімгі мотордағы ұш¬қын¬мен салыстыруға болады. Де-мек, ол қанды айдап, кәдімгі жы¬ныс мүшесінің барлық ішкі қозға¬лы¬сын реттейді. Одан адамда қозу процесі басталады). Қабыну кезін¬де ингибин аз бөлінеді немесе үнемі бөліне бермейді. Сондықтан бай¬ла¬ныс гормондары бір-бірімен байланысын үзеді. Олардың қайта жиналуы өте қиын. Жыныс мүшесі буындарының әлсіздігі өз қыз¬ме¬тінің әлсірегендігін байқатады. Одан эрекцияның пайда болғанын сезінуге болады.
Тестесторондардың жетіспеу¬ші¬лігі мен белсенділіктің төмен¬деуінің де белгілі бір жағдайда кері әсері бар. Әсіресе, ол 50 жастан соң айқын байқалады. Жас ұлғайған сайын еркектер тарапынан әйелдің ыстық демін жұтуға құлшынысы төмендейді. Ол соншалықты қор¬қынышты ауру емес, ол жаспен байланысты гипогонодизмнің бас-талуы. Сондықтан әр жігіт төсек белсенділігін жоғалта бастағанда, ұялмай-ақ бірден дәрігерге қарал¬уы тиіс. Егер тосыннан келетін бел¬сіздіктің басталуына бірден шара қол-данылса, белсенділікті біраз уақытқа дейін жоғалтып алмауға бола¬ды.
Жалпы, белсіздіктің бастал¬уы¬на төрт фактор ықпал етеді. Деген¬мен басты ескеретін мәселе – жас¬тың ұлғаюымен тестестерондардың азаюы, оның салдары адамды дерт¬ке ұшыратады. Бұған әсер ететін жағдайлар жұмыстан айырылып қаламын деген күдік, қызметке тұру мен ауысу, тұрмыс тауқыметі тағы басқа жағдайлар. Жүйкеге тие¬тін осын¬¬дай қиын¬дық¬тар ағзадағы тепе-теңдікті бұзады. Өкініш¬ке қарай, тір¬ші¬¬лік тауқыметі осы дерт¬тер¬дің күрт тө¬мендеуіне ықпал етпеуде. Алайда белсіздікке қатысты емдеу ша-ралары барысында «науқастар» қатарының өспегенін де айта кеткеніміз дұрыс.
Енді «төсек бел¬сен¬ділігін арт¬тыруға шет елдерден келіп жатқан дәрі-дәр¬мек¬тер көмектесе ме» деген сұраққа тоқталар болсақ, оның барлығы да көмектеседі. Белсенділікті бірден арттыратын дәрілер бар. Мәселен, «Виагра», «Сиализ»… Алайда олар¬дың барлығы уақытша көмекте¬седі. Сондықтан оларды үсті-үстіне қолданудың қажеті жоқ, әрі күнде пайдалануға да болмайды. Гипер¬то¬ниялық, басы ауыратын аза-маттар оны қолдану арқылы ден¬саулығына зиян келтіруі мүм¬кін. Ал ағзаны қалпына келтіруге ар¬налған дәрілер арқылы ауру¬хана жағдайында емдеуге болады.
Қалалардағы «Отбасы және неке» орталықтарында да андролог мамандар жігіттердің жанына әсер ететін «аурулардан» айығуға кө¬мек¬тесе алады.

Әйелдердің көңілін тапқың келсе, көп нәрсені құпия ұста

Арулармен арадағы қарым-қатынастың ашықтығы өте жақсы. Алайда осыны пайдаланып, олардың алдында кез келген мәселе төңірегінде немесе өзіңіздің ішкі ойыңызды бүкпесіз айта беруге болмайды. Яғни кейбір мәселелер адамның ішкі құпиясы саналуы тиіс. Ол сізді әйелдермен түкке тұрмайтын мәселеге бола ренжісіп қалмаудың алдын алады. Ендеше, төмендегі кеңестерімізге назар аударыңыз.

Өтіріктің де зияны бар
Сіз өз әйеліңіздің немесе таныс әйелдің алдында да өз мүддеңіз үшін артық әңгіме, әсіресе, өтірік айтпаңыз. Өзге әйелдер туралы асы¬ра айтқан пікірлер сізді сенімнен айыр¬уы мүмкін.
Бизнес құпиясы
Сіз әйеліңіздің не таныс бойжеткеннің алдын¬да өз карьераңыз туралы ашып айта бермеңіз. Оның сізге қатысты барлық жағ¬дай¬дан хабардар болуы, қыруар қаржыны қалай тауып жүргендігіңізді білуі міндетті емес. Сіздің фирмаңыздың табысқа жетуі құпия күйінде қалғаны дұрыс.

Отбасылық құпия
Сіздің әжеңізбен немесе ата-анаңызбен ренжісіп қалғаныңыз таныс аруға түкке қатысы жоқ. Сондықтан отбасылық кикілжіңді ішкі құпия ретінде сақтаңыз. Өйткені басы артық әңгіме қызды түңілдіргеннен басқа пайдасы жоқ.

Сіз армандаған ару
Сүйіктіңізбен сырласу барысында басқа қыздардың немесе көшеде кездесіп қалған ару-лар¬дың төсінің көз тартатындығы, аяғы¬ның түзулігі, балтырының толықтығы, құлын мүшесі туралы әңгіме айта бермеңіз. Мұн¬дай әңгіме сізге қызық болғанымен, оған жаныңыздағы кез келген бойжеткен рен¬жіп қалады.

Сүрінсеңіз – сақ болыңыз!
Сіздің тиянақсыздығыңыз достарыңыз¬дың күлкісін келтіруі мүмкін. Бірақ қандай жағ-дайда да осындай әрекеттерден сақ бо¬лыңыз. Өйткені аз ғана кемшіліктің өзі сізге көлеңке түсіріп, «жолы болмаған жігіт» деген атқа қалдырады. Ал мұндай жуан¬ жұдырық¬ты¬ларға арулар үнемі күдікпен қарайды.

Бұрынғы қыздардан қол үздіңіз бе?
Кейбір жігіттерде танысқан қыздары тура¬лы «ақпарат» жинап жүретін әдет болады. Жақын дос түгілі, сырлас қыздар¬дың өзі мұны дұрыс түсінбейді. Сондықтан тізімді жасырын ұстаңыз. Егер сіздің сүйген қызыңыз оны тауып алар болса, онда… сүйіктіңізбен қоштасуға тура келеді.

Жалаңаш суреттер жинамаңыз
Көптеген әйелдер порнографиялық жур¬нал¬дар мен кассеталарды «төсекқұмар жі¬гіт-тердің ермегі» деп санайды. Сол себепті мұн¬дай өнімдерді сүйіктіңізге көрсетпеңіз. Өйт-кені өзіңізге деген сенімді жоғалтып ала¬сыз.

Жалақы да жасырын болуы тиіс
Сіз дос қыздарыңызға қанша жалақы ала¬тындығыңызды ешқашан айтпаңыз. Себебі ақша да белгілі бір рөл атқарады. Ендеше, болашақ жарыңыз сізді ақша үшін емес, шын сүйетіндігіне көз жеткізгенше шы¬дай тұрыңыз.

Құпияға қалай қарайсыз?
Егер достарыңыз сізбен әлдебір құпияны бө¬ліс¬се, ол туралы ешкіммен ой бөліспеңіз. Өйт¬кені сізге сеніп айтылған әңгіме бір бә¬ленің басы болуы мүмкін.

Бетті дайындаған
Жолдасбек ДУАНАБАЙ
«Айқын» басылымы

Әжім еркектердің мінез-құлқынан хабар береді

by

Горизанталды әжімдер: ер адамның маңдайындағы бір немесе үш сызық байсалдылықты, өзіне деген сенімділікті, энергиясының күштілігін және өмірінің мәнділігін байқатады. Бұндай адамдардың шамына тию еш нәтиже бермейді. Ұрыс-керістен бойын аулақ ұстайтын типтер саналады.
Егер маңдайға түскен әжім сызықтары үшеуден көп болса, экспериментті ұнататындығын дәлелдейді. Өмірге, махаббатқа атүсті қарайды. Егер әжімдер толқынды болса, өз өзінің қарабасын ойлағанды ұнатады. Бұндай адамдар ашуланшақ болады.

Маңдайына әжім түспейтіндер кез-келген нәрсеге ынтық емес. Вертикалды яғни мұрынның айналасына түскен әжімдер ер адамның елдің пікірін ескермей, өз дегенінен қайтпайтындар.
Мұрын мен еріннің төңірегіндегі сызықтар: адамның сезімтал екенін білдіреді. Бұлар байсалды, адамдарға аса бір мархаббатпен қарайтындар. Сезімталдығы жоғары, кез-келген жағдайды өзінен өткеретін, айналасындағы жандарға ашып тұратын еркектер. Бұндай адамдар әркез өздерін жайлы ұстайды, жүйкесін бос нәрсеге тоздырмайды.
Иектің айналасындағы әжімдер, беттен төмен орналасса сентименталды, ұстамды, аузынан шөп ала алмайтын азамат екенін аңғартады. Сақтықпен жүретін, көп нәрседен бойын алшақ ұстайтындар.

Мақала www.president.org.ua аударылды.

Дүкен кезген еркектің іздегені не екен?

by

Британдық психологтар ұзақ жылдар бойына жүргізген тәжірибе барысында «джентльмендердің» 70 пайызы дүкен аралау барысында нағыз «аңшыларға» айналатындығы анықталған. Өйткені олар ешқандай зат сатып алмаса да сөрелерде сырты жылтыраған тауарларға қызыға қарағанды ұнатады. Керісінше әйелдердің 80 пайызы дүкенге кіргенде міндетті түрде бірдеңені қолтығына қыстыра шығуға дағдыланған.

Әрі олар орман ішінен саңырауқұлақ іздеген адамдардай асықпайды, сабыр сақтап, бір затты алу үшін тауарды сағаттап тұрып қарайды. Өкінішке қарай, жігіттердің жүйкесі жұқалау. Еркектер есіктен кіре асықпауға тырысқанымен, бірінші кезекте өзіне аса қажетті затты табуға тырысады. Дүкен ішінде ұзақ жүрсе де жүрісі шапшаң, сөрелерге көз тоқтата алмайды. Сараптама қорытындыларына қарағанда, британдық «аңшылар» сауда орнына барған жағдайда кемі 72 минут уақытын сарп етсе, бұл шаруаны орыстар 20 минутта реттейді.
Еркектерге дүкенде ұнамайтын бір ғана нәрсе – кезек. Қанша зәру зат болса да ерлер кезекке тұруды жаратпайды. Сондықтан болар, көп жағдайда тауарды кезексіз алуға тырысатындар арасында бір-біріне жұдырық ала жүгіретіндерді жиі көруге болады. Сатушылардың сөздеріне қарағанда, жуанжұдырықтылар әйелдерге қарағанда ең сенімді тұтынуны. Ол дүкеншіден бір затты сұраса, оны ұзақ уақыт не аларын, не алмасын білмей, әр¬нәрсені сылтауратып тұрмайды. Ұнады ма, бітті. Ақшасын санап береді. Алайда әйелімен бірге қыдырған жігіттің жүй¬кесі азық-түлік немесе киім-кешек толы сөмкені көтеруден-ақ шаршайды.
Қысқасы, «магазиномания» дертіне шалдыққан отағаларының қатары күн санап өсуде. Мәселен, Батыс елдерінде жігіттердің 5 пайызы, тіпті сауда-саттық қызығымен жүріп «ауру» тапқан. Бір ерекшелігі, олардың дені қалталылар емес, тұрмысы орташа отбасылардан. Енді бұл әдет адамға қандай зиян немесе пайда әкелетіндігін ой елегінен өткізіп көрейік. Егер жұмыс уақытында қыдырып кетпесе, бос уақытта дүкен аралаған әйелге де, еркекке де пайдалы. Біріншеден – адам айналасында не болып жатқанын, адамдардың күнделікті тіршілігін бақыласа, екіншіден – бұл миға массаж жасаудың бір түрі.
Бірақ басты мәселе ақшаға тірелетіні анық. Мысалы, британдықтар дүкенге бір бас сұққанда жүйкесін жұқартпай-ақ ай¬лық жалақысының үштен бір бөлігін жұмсап қояды. Бұл жағынан орыстар өте сақ қимылдайтын көрінеді. Ал қазақтардың арасында «ақшадан тау тұрғызған» байлар теңгенің бетіне қарамайды. Қара нан мен қара шайға қараған қазақ¬тар ғана қаржыға келгенде, қытымырлығын көрсетіп алады. Сонымен қатар, зерттеулер көрсеткендей, ерлердің сауда-саттыққа араласуы әйелдерге қарағанда қауіпті екенін ескерте кеткеніміз дұрыс. Олар дүкен ішіне кірген бойда айналасына жіті назар аудармастан, өзіне керекті зат тұрған бөлімге бірден ентелей жетіп барады. Расын айтқанда, әйелдер секілді заттың бағасына бас ауыртып, саудаласып жатпайды. Ал үйде аһ ұрып қалатын баяғы әйел. Бір мысал: май құю стансасындағы дүкеннен әдемі пышақ көрген еркек әйелін қуанту үшін сатып ала салады. Сол пышағыңыз базарда өте арзан. Осыдан соң әйелдер күйеулеріне зат сатып алуға қалай сенсін? Басы бәлеге қалып, нәзікжандылардың жынына тиіп, ауыр сөз естиді.
Лондонда жүргізілген сауалнама барысында жігіттердің сауда-саттыққа араласуының соңы олардың көпшілігінің денсаулығына зиян екені анықталған. Тіпті араларында ауыр сөзді көтере алмай, жүрек дертіне шалдығатындар да бар.
Сізге қарапайым тілмен түсіндерер болсақ, әйелдер мен еркектер дүкенде өздерін түрліше сезінеді. Өйткені заттың бағасы мен сапасы жұмсалған қаржыға тати ма? Бұл сауалға екі жыныстағылардың берер жауабы әртүрлі болып шығады. Мәселенки ерлер оған соншалықты мән бермесе, әйелдер үшін ол өте маңызды. Арулар жағы кейде сапалы затты қымбатқа алса да, өзгелерден қуанышын жасыра алмайды. Өкінішке қарай, мұндай сезімге берілу жігіттер жағында бола бермейді. Осыдан барып стресстің кімге қалай әсер ететіндігі анық байқалады.
Әйелдер электродүкендерге кіргенде күйеуінің көзіне қараса, жанарынан қуаныштың ізін байқай алады. Дәл осындай көріністі ерлер әйелімен ыдыс-аяқ немесе киім-кешек дүкеніне барғанда наық байқайды. Басында баспанасы жоқ отағасының өзі құрылыс заттары базарын ұзақ уақыт алаңсыз аралайды. Сағат алар болса, оның бүге-шігесін жалықпай сұрайды. Олардың жанында шүйкебастар дүкенді тез-тез аралағанды ұнатады. Бәрінен де қызығы, соңғы жылдары кейбір дамыған елдерде ерлерді саудаға қазіргіден де жиі тарту үшін психологиялық қызмет жандана түскен. Ірі супермаркеттер арнайы ерлер залын ашқан. Батыс елдерінде ерлерге арналған сауда залдарының арнайы тұжырымдамасы жасалған.
Мамандардың пікіріне қарағанда, тек шығармашылыққа бір табан жақын адамдар сауда-саттыққа да икемді келеді. Ал интернет арқылы сауда жасайтындардың басым көпшілігі – еркектер. Олардың 42 пайызы интернет-дүкендердің сайтына кіруде алдыларына жан салмайды. 41 пайызы сәтті сауда жасаса, 45 пайызы тауар туралы ақпараттарды ақтарып, өзге жерлердегі бағалармен салыстыруға көп уақытын жұмсайды. Негізінде олардың 35 пайызы ғана нақты сауда жасайды. Енді өздеріңізге берер кеңесіміз біреу: Егер әйеліңіз базар жағалауды жаны сүйсе, мұндайға сіздің әуестігіңіз болмаса, оған ілеспегеніз дұрыс. Ондай жағдайда жүйкеңіз сыр беріп қалуы мүмкін. Ал денсаулық бәрінен де қымбат.

ДЕРЕК ПЕН ДӘЙЕК
Британдық жігіттер дүкен аралау барысында сұлу қыздар мен көрікті келіншектерге көз тастауды да ұмытпайды екен. Орта есеппен алғанда британдық ерлер өз өмірінде алты айды нәзік жандарға көз сүзумен өткізеді.
Әр еркек күн сайын біріне-бірі ұқсамайтын сегіз аруға көз қырын салады. Бұл кезде әрқайсысына кемі екі минут уақыт жұмсайды.
Жігіттердің бірден көзі түсетін нүкте анары, содан соң – қасы мен аяқтары. Өз кезектерінде арулар да күніне екі жігітке орта есеппен бір минуттай көз тоқтатады. Сөйтіп, өз өмірінің бір айын ғана мұрттыларды бақылауға арнайды.
Ерлер арасында жүргізілген сауалнамаға жауап берген жігіттердің жартысынан көпшілігі «мұндай «бақылаудың» ешқандай сөкеттігі жоқ» деп есептейді. Ал әр үшінші еркек көзі түскен аруды «құшып» тынғанын жасырмаған.

Мақала «Айқын» басылымынан алынды.

Еркектерде махаббат бола ма?

by

Жер бетінде адамзат пайда болғалы бері «Махаббат деген не, ол неге керек?» деген сұрақ баршаны толғандырып келеді. Бір қарағанда, махаббат нәзік жандар – әйелдердің бойында ғана болады, соларға ғана тән секілді көрінгенімен, ол – ерлер үшін де аса қажет екен. Бірақ медициналық зерттеулер барысында анықталған жағдай, жігіттерге қарағанда арулар махаббаттың шырқау шегіне жеткенде «қанағат» сезімін жан дүние-сімен сезінуі тиіс. Ол – осылай болуға тиісті және міндетті құбылыс көрінеді. Мәселен, Эдинбургте дәрігерлер ауруханаға түскен 44 жастағы әйелді бақылау барысында, оның төсек қатынасында үнемі қанағаттанбайтыны анықталған. Терең зерттей келгенде, невропотолог Поль Рединг науқас әйел миының оң жақ бөлігі зақымданғанын анық-таған. Өйткені ол – төсек қатынасы барысында әйелдердің қанағат алуына жауап беретін бөлік. Ал ерлерде бұл қызметті мидың басқа бөлігі атқарады. Неге?

Зоолог Мори Десмонд нәзік жандылар өздері қалаған төсек қатынасынан барынша қанағат тапса, олардың бала көтеру мүмкіндігі соғұрлым артатындығын құлаққағыс жасайды. Өйткені ләззат алу барысында бөлінетін спермалар сол кезде ғана «өз деге-ніне» жетеді. Бір ерекшелігі, төсекте бір қырынан жатып жыныстық қатынасқа бару айымдарды рақат сезімге бөлегенімен, жүктілік мүмкіндігін анағұрлым азайтады.
Осы мәселені бүге-шігесіне дейін зерттеп жүрген ғалым Берри Комисарук қозу сезімін оятатын химиялық нейромедиатор ойлап тапқан. Бұл әйел атаулының ерлерсіз де «күн көруіне» септігін тигізсе де, еркекпен бірге бір көрпенің астында жатқандай әсерге бө-лемейді. Осы тектес зерттеулерден соң ғалымдар «махаббат бірінші кезекте әйел атаулының бойынан байқалады» деген қорытынды жасаған. Алайда ерекше сезімге шектен тыс бөленгендер, тіпті ақымақ әрекеттерге дейін барады.
Жақында итальяндық ғалымдар бір топ ғашық жігіттер мен қыздарды бақылау барысында, олардың 40 пайыздан астамында белок сапасы азайып, нейрондармен арада химиялық қатынас түзілетіндігін анықтаған. Осының салдарынан адам ағзасында реакция баяулайды. Оның бірінші кезеңінде адам тез арада неврозға ұшырауы мүмкін. Ғашықтықтың 6 немесе 18 айы аралығында бойды өртеген сезім біртіндеп жойылады немесе қандағы белок құрамы одан әрі көбейеді.
Америкалық дәрігерлер «сағыныштан сарғайған» бозбалалар мен бойжеткендердің бойында түрлі жұқпалы ауруларға қарсы иммунитет көтеріліп, ол түрлі созылмалы дерттердің жойылуына ықпал ететінін айтады. Ол қан құрамындағы иммуноглобулиннің артуымен байланысты екен. Демек, ғашықтық дерті адамға бірқатар пайдалы жақтарымен құнды. Ал ғашық сезімді «ішке түсіріп» алу немесе құса болу – қауіпті. Өз дегеніне жете алмаған жігіттер арасында жанын өз қолымен қиятын-дардың да кездесетіні осы құбылыспен тікелей байланысты.
Енді «әйелді қандай еркектер қанағаттандыра алады?» деген сұраққа келсек, мұрны үлкен, аласа жігіттердің жөні бөлек көрінеді. Алайда мұны жоққа шығаратындар да бар. Кейбір ғалымдар «мықтылықтың бәрі еркектің аяғында жатыр» деген болжам айтады. Ер адамның жамбас сүйегі қанша ұзын болған сайын, ол соншалықты қызуқанды келеді. Дегенмен осы саланы зерттеуші сексологтар төсек рақаты кезінде физикалық және психологиялық факторларды да ұмытпау керектігін еске салады.
Мамандар сексуалдық мөлшер деген ұғым да махаббат мәселесінде үлкен роль атқаратынын баса атап көрсетеді. Ерлер үшін өз ғұмырында кемі 10 – 12 әйелмен болу үйреншікті жағдай екен (Тіпті бұл процесс отау құрмай тұрып та басталып кетеді). Мұндай әрекеттерге баратын ерлер, негізінен, үлкен қалаларда тұрса, аз бөлігі ғана ауылды жер тұрғындары. Енді арулардың ер-азаматтардың жетегіне неге тез еретіндігіне назар аударсақ, олар өздері қанағат алатын жігітті кездестірмейінше жанын қоярға жер таппайды. Бұл – махаббат сезімімен астасып жататындықтан, тұңғиық сезім әйелдердің қанында басым екендігі бірден аңғарылады. Жігіттерді жұп болып жаңа өмір сүруге итермелейтін де әйелдер. Оларды бас айналдырар ләззатқа бөлеуге асығатын жуанжұдырықтылар көп жағдайда өздерінің қалай торға түсіп қалғандарын сезбейді. Қалай десек те, арулардың арманы орындалып, бақытты болуы бәрінен де қымбат. Сол себепті қаракөздерге махаббат отын өшірмеуді ғана тілейміз. Бикештердің бір жадында жүретін жағдай, олар қаншалықты тез жүкті болуды қаласа, басқа кездерге қарағанда, шайды екі есе жиі ішуі тиіс. Себебі шай құрамындағы полифенолдар мен ксантиндер, жұмыртқа клеткаларына қолайлы әсер етеді.

Мақаш Тәтімов, ғалым-демограф:
– Еркектер шын махаббатты әйелдер жағынан тосады. Өйткені олар үшін әйелмен жақындасу – күрделі мәселе. Үйлену керек, бала туу керек, бірге өмір сүру керек. Оның барлығы ерлер үшін ермек секілді көрінсе, әйелдер үшін ол – қажеттілік және маңызды. Сондықтан арулар бұл мәселеге өте жауапты қарайды. Еркек адамдар табиғатынан «охотниктер». Ол алдынан не кездессе, соны «атып» алады. Әйелдерді де солай көреді. Бірақ әйелдердің махаббатын аяқ асты етуге болмайды. Қайта оны биікке көтеру, ардақтау қажет.
Қазір біздің әйелдердің арасында халықты өсіретіндерден «өшіретіндер» көп. Біз әлі күнге «әйел бізді өсіреді» деп келеміз. Өсіретіні рас, бірақ араларында «өшіретін» әйелдер жеткілікті. Мәселен, олар аборт жасайды, бала көтертпейтін дәрі-дәрмектер пайдаланады, бір жылға қойылған спиральмен үш жылға дейін жүреді. Сонымен, өздері ауруға ұшырайды. Осылайша Батыстың өнерін үйреніп алған келіншектер көп. Мынау гендерлік саясат деп жатырмыз, оған мен қарсы емеспін. Егер ол біздің демографиялық, ұлттық мүддемізге қарсы болса, гендерге мүлде қарсы болуымыз керек. Біздің әйелдер онсыз да бостандықта жүр. Ол өзбек не тәжік әйелі секілді отбасы, ошақ қасында отырған жоқ. Тіпті өз дәстүр-салтынан шыға алмай жүрген қырғыз бен түрікмен әйелімен де салыстыруға келмейді. Бұл жағдайда әйелдердің мінез-құлқына қатты көңіл бөлген дұрыс.
Махаббат бала туумен ұштаспаса, оның бәрі бос нәрсе.

Жанар Мұқашева, журналист:
– Махаббат пен сезімді шатастыруға болмайды. Сезім деген балаға да байланысты қатысы бар. Баласыз өмір сүре алмайсыз Ал махаббатсыз өмір сүруге болады. Ол жүрек түпкірінде жатады. Бірақ сіз күнделікті тіршілігіңізді жалғастыра бересіз. Дегенмен сіздің жүрегіңіздің түкпірінде «әттеген-ай» деген өкініш жатады. Өйткені өзіңізге ұнаған қызға бірден қол жеткізу мүмкін емес. Алайда ол – сезім емес, махаббат. Сіз ғашық болып үйленген күнде де, екінші адамға ғашық болуға ештеңе кедергі келтірмейді. Сол себепті махаббат тек әйелдерге тән құбылыс.

Сіз өз мақсатыңызға қалай жетесіз?
Ерлер мен әйелдер өз мақсатына жету үшін түрлі айла-шарғыны қолданады. Оның ішінде төсек «төңкерісі» де бар. Тіпті дәл осы мәселеге келгенде, кейбір жігіттер басынан кешірген оқиғаларды мақтанышпен айтқанды ұнатады. Бұл «қасқырдың бөлтірігін қанша асырасаң да, орманға қарап ұлиды» деген қағиданың еркектерге қатысы барын аңғартады.
Тіпті ер адам өзі ұнатқан аруды «СПИД-пен ауырады» деп жамандасаң да, сенбей, онымен бір түнеуді қалайды. Ол қаны басына шапқанда, қуатын да ескермейді. Осыған байланысты айтар бір ерекшелік, нәзік жандылар өзін әрдайым бабында ұстаса, жуанжұ-дырықтылар кез келген уақытта өз қуатын барынша көрсете алмайды. Бел қуатының мықтылығы да осындайда белгілі болады.
Бәрі жақсы делік. Алайда жігіттер жағы төсекте тау қопарар күші барын қандай жағдайда да пайдаланып қалуға тырыспағаны жөн көрінеді. Біріншіден, әйелдер – әлсіз, екіншіден – тез шаршайды. Ал еркек әйелге ойына келгенін істеуі – қауіпті. Әсіресе жыныс мүшесі ұзын еркектер арулардың денсаулығына зиян келтіреді.
Ерлер өз мақсатына жетудің сан түрлі амалдарын жетік меңгерген. Дегенмен соның барлығы да аруларды ашуландырып, жүйкесіне тимеуі тиіс. Тек мәдениетті қарым-қатынас, бел босатуға әйелдің ықыласы да ауып тұрғанда ғана ең бақытты сәттерді бастан кешіруге болады. Психолог Зәуреш Иманғазинаның сөзіне қарағанда, дәл қазақ жігіттері арасындағы төсек мәдениеті өзге ұлттарға өнеге бола алады. Оны басынан кешіріп жүрген еркектер жақсы біледі.

Дерек
«Презерватив төсектегі ең жауапты кезеңде неге орнында тұрмайды?» деген сұраққа жауап іздеген үнділік және испандық зерттеушілер
16 ұлттың өкілдері арасында зерттеулер жүргізіп, барлық мәселе «алтын балғаның» көлеміне байланысты деген шешімге келген. Өкінішке қарай, бұлардың арасында қазақтар мен африкандықтар жоқ. Дәрігерлердің көзіне ерекше түскен жағдайлар мыналар: Орта есеппен француздардікі – 16 см., итальяндықтардікі – 15 см., америкалықтардікі – 12, 9см., жапондардікі – 13 см.,үнділіктердікі – 10,2 см., оңтүстіккореялықтардікі – 9,6 см. Алайда жігіттердің барлығы мәселенің мәнісі «көлемде» еместігін құлаққағыс жасаған.

Мақала сілтемесі: «Айқын» басылымы.